Barack Obama pret në Shtëpinë e Bardhë Donald Trump: Të përballojmë së bashku sfidat

Publikuar tek: bota, më 21:25 10-11-2016

Presidenti amerikan Barack Obama thotë se pati një bisedë “të shkëlqyer” dhe “të gjithashme” me Donald Trump-in, në vizitën e parë të Presidentit të zgjedhur në Shtëpinë e Bardhë.

Duke folur në Zyrën Ovale, zoti Obama theksoi se përparësia e tij numër 1, është transferimi i rregullt i pushtetit.

Trump tha se e pret me kënaqësi bashkëpunimin me Presidentin Obama në të ardhmen, duke e quajtur një “nder të madh”.

"Transferimi paqësor i pushtetit është parimi themelor i demokracisë sonë” tha Shtëpia e Bardhë para takimit në zyrën ovale.

Zonja e parë Michelle Obama po takohet privatisht me bashkëshorten e zotit Trump, Melania rreth jetës në Shtëpinë e Bardhë.

Shtëpia e Bardhë tha shumë kohë para se fitorja e papritur e republikanit Trump të martën të bëhej e qartë se zoti Obama u kërkoi zyrtarëve vitin e kaluar të bënin një tanzicion të qetë mes dy administrative.

Shtëpia e Bardhë tha se administrate Obama po bën gjithshka të mundur që zoti Trump dhe zyrtarët e tij kryesor që ende pritet të emërohen, të jenë të “përgatitur që nga dita e pare të mbrojnë sigurinë kombëtare”. Zyrtarët e zbulimit dhe të mbrojtjes po e informojnë zotin Trump mbi kërcënimet e sigurisë së vendit dhe operacionet ushtarake jashtë.

Përveç kësaj, administrata Obama ka në plan të organizojë dy prova të disa agjenci qeveritare për të ndihmuar zyrtarët e administrates Trump të familiarizohen me mënyrat e përgjigjes ndaj emergjencave, qofshin sulmet terroriste apo katastrofa natyrore.

Gjatë qëndrimit në Uashington, zoti Trump do të takohet gjithashtu me kryetarin e Dhomës së Përfaqësuesve Paul Ryan dhe udhëheqësin e shumicës në senat Mitch McConnel dhe anëtarë të tjerë të kongresit. (Zëri i Amerikës)

Sondazh

Article Logic
Execution time: 0.13128089904785
array(1) { ["section"]=> string(89) "barack-obama-pret-ne-shtepine-e-bardhe-donald-trump-te-perballojme-se-bashku-sfidat-59132" }