Basha del BLLOF, KADRIU e mashtroi 'Live'! Zbulohet e vërteta: Ka përfituar bonusin e qirasë dhe do të bëhet me SHTËPI të RE (DOKUMENTET)

Publikuar tek: aktualitet, më 17:00 10-08-2020 Basha del BLLOF, KADRIU e mashtroi 'Live'! Zbulohet e vërteta: Ka përfituar bonusin e qirasë dhe do të bëhet me SHTËPI të RE (DOKUMENTET) Basha dhe qytetari qe e mashtroi

Kreu i Partisë  Demokratike Lulzim Basha ka rinisur turin e takimeve me qytetarët, ndërsa ditën e sotme ka shkuar në familjen Barruku në fshatin Kameras në Durrës, shtëpia e të cilëve është bërë e pabanueshme nga tërmeti.

Kryefamiljari Kadri Barruku, i pyetur nga Basha nëse kishte përfituar nga bonusi i qirasë apo nga programi i rindërtimit, i është ankuar kryedemokratit se ka marrë vetëm një këst 250 mijë lekë të vjetra, ndërsa aplikimi i tij për rindërtimin e shtëpisë është refuzuar.

Por nga dokumentet e siguruara nga neësbomb.al, shihet se emri i Kadri Barrukut është në listën e personave që do të përfitojnë një shtëpi të re nga programi i rindërtimit, si dhe ka marrë edhe 7 këste nga bonusi i qirasë, të fundit vetëm 4 ditë më parë, në datën 6 gusht.

Ndërkohë ka reaguar edhe Bashkia e Durrësit me anë të një njoftimi, që sqaron se Kadri Barruku ka përfituar si nga bonusi i qirasë edhe nga granti i rindërtimit.

Sqarim i Bashkisë Durrës:

Në vijim të një rasti të bërë prezent sot në media, për familjen Barruku në Manëz si një nga familjet e prekura nga tërmeti i datës 26 nëntor 2019 në Bashkinë Durrës, sqarojmë se Z. Kadri Riza Barruku, duke filluar nga data 27.12.2019, pra vetëm një muaj pasi humbën banesën e tyre, janë trajtuar me bonus qiraje në masën 30 mijë lekë në muaj, në zbatim të Vendimit të Këshillit Bashkiak nr.649 dt.27.12.2019. Në listën shoqëruese të këtij vendimi, me përfituesit e bonusit të qirasë është edhe emri i z.Kadri Barruku.

-Deri me sot z.Barruku ka perfituar 7 këste të bonusit të qirasë, me i fundit ka kaluar në llogarinë e tij bankare në daten 6 gusht 2020.

-Përsa i përket shtëpisë, e cila është shpallur e pabanueshme, z. Barruku është një nga përfituesit e programit të rindërtimit të banesave. Aplikimi i tij në platformën “Shtëpia Ime” është aprovuar me Vendim të Këshillit Bashkiak Nr. 77 dt.10.08.2020, ku në listën e përfituesve bashkëngjitur Vendimit, figuron edhe emri Kadri Riza Barruku, i cili do të përfitojë një shtëpi të re, shumë më të mirë e të sigurt se ajo që humbi për shkak të tërmetit dhe mbi të gjitha, falas.

Aktualisht Agjensia Kombëtare e Planifikimit të Territorit është në proces hartimi të planit të detyruar pikësor për rindërtimin e banesave individuale në zonën e Manzës, me përfundimin e të cilit, do të fillojë menjëherë puna për rindërtimin.

Bashkia e Durrësit siguron qytetaret e saj se puna për procesin e rindërtimit vijon çdo ditë me ritme të shpejta, për të mos lënë askënd mbrapa dhe për të bërë të mundur që qyteti t’i kthehet sa më shpejt normalitetit, me shtëpitë individuale, pallatet, shkollat, kopshtet dhe infrastrukturë të rindërtuar shumë më mirë se më parë.

I gjithë procesi i rindërtimit dhe vendimet e marra nga këshilli bashkiak në kuadër të tij jane tejet transparente dhe te aksesueshme nga publiku, mediat dhe të gjithë të interesuarit për t’u informuar mbi ecurinë e zbatimit të programeve të rindërtimit.

Stafi i Bashkisë së Durrësit dhe të gjithë drejtuesit dhe punonjësit e njësive administrative mbeten në dispozicion të plotë të qytetarëve për cdo sqarim, asistencë dhe orientim në lidhje me të gjithë programet e procesit të Rindërtimit.

Në mbyllje, për rastin e sipërpërmendur te familjes Barruku, bashkëngjitur gjeni vendimet përkatëse të Këshillit Bashkiak dhe listat e përfituesve. Për çdo informacion më shumë mbi dosjen dhe dokumentet shoqëruese, Bashkia Durrës mbetet e hapur për të garantuar akses dhe transparencë të plotë ndaj çdo pale të interesuar.

117589125_3276354435793464_7060636258562085715_n_1.jpg

Doc 01439220200810231111250 by Newsbomb Albania on Scribd

Sondazh

Article Logic
Execution time: 0.017715930938721
array(1) { ["section"]=> string(137) "basha-del-bllof-kadriu-e-mashtroi-live-zbulohet-e-verteta-ka-perfituar-bonusin-e-qirase-dhe-do-te-behet-me-shtepi-te-re-dokumentet-216716" }