Basha i bën thirrje Ramës: Anullo 150 milionë dollarë të planifikuara për oligarkët

Publikuar tek: aktualitet, më 15:56 02-12-2019 Basha i bën thirrje Ramës: Anullo 150 milionë dollarë të planifikuara për oligarkët

Nisur nga vizita e kryer sot në fshatin Bubq, kryedemokrati Lulzim Basha ka renditur tre pika, të cilat PD i propozon për të vepruar.

Përmes këtyre pikave, Basha i bën thirrje kryeministrit Edi Rama të anullojë 150 milionë dollarë të planifikuara për 10 oligarkët, siç i quan ai.

Sipas kreut të opozitës, ajo që duhet bërë tani është të ndërmerren urgjentisht një seri veprimesh konkrete dhe të mirëkoordinuara për të siguruar njerëzit.

Kujtojmë që më herët Basha e ka refuzuar për të dytën herë ftesën e Ramës për një bashkëpunim në ndihmë të të prekurve nga tërmeti.

Statusi i plotë:

Sot pashë nga afër gjendjen e rënduar në Bubq, ku shumica e shtëpive kanë pësuar dëme dhe shumë prej tyre janë të pabanueshme. Me qindra qytetarë kalojnë netët jashtë prej një jave pa asnjë siguri nëse mund të futen në banesat e tyre.

Fatmirësisht kjo situatë e rëndë u mbyll pa viktima ne këtë zonë. Por gjendja vazhdon të rëndohet për ta dhe për mijëra familje në të tre qarqet e goditura Durrës, Tiranë dhe Lezhë.

Ajo që duhet bërë tani është të ndërmerren urgjentisht një seri veprimesh konkrete dhe të mirëkoordinuara për të siguruar njerëzit, dhe për të nisur sa më parë rindërtimin e banesave.

Tani është momenti të veprohet me shpejtësi dhe për këtë qëllim ky është plani që ne propozojmë:

  1. Angazhimi dhe organizimi nga shteti i mbi 500 inxhinierëve që kanë shprehur gatishmërinë për të kontribuar vullnetarisht, me qëllim për të përshpejtuar vlerësimin e banesave. Kjo kontribuon për qetësimin e gjendjes dhe sigurimin e jetës së qytetarëve.
  2. Vlerësimin me urgjencë të banesave të dëmtuara dhe dëmeve të shkaktuara.
  3. Qeveria në kuadër të gjendjes së fatkeqësisë natyrore të anullojë me efekt të menjëhershëm rreth 150 milionë dollarë të planifikuara për t'ju dhënë 10 oligarkëve, dhe këto fonde t’u akordohen mijëra familjeve në nevojë, për riparimin dhe rindërtimin e banesave të dëmtuara apo të shkatërruara.

Reagimi i shpejtë për të vlerësuar dëmet, dhe lëvrimi i fondeve për riparim dhe rindërtim do të ndihmojë në tejkalimin e traumës dhe rikthimin në normalitet.

Personazhi i vitit 2019

Sondazh

Article Logic
Execution time: 0.035586833953857
array(1) { ["section"]=> string(89) "basha-i-ben-thirrje-rames-anullo-150-milione-dollare-te-planifikuara-per-oligarket-188138" }