Basha në Mamurras: Shtetin prej kartoni e shembi tërmeti i korrupsionit

Publikuar tek: politike, më 19:17 08-12-2019 Basha në Mamurras: Shtetin prej kartoni e shembi tërmeti i korrupsionit Lulzim Basha me banorët e prekur nga tërmeti në Mamurras

Kryetari i Partisë Demokratike Lulzim Basha pa nga afër situatën e familjeve të dëmtura nga tërmeti në Fushë Mamurras, të cilët prej 13 ditësh qëndrojnë në çadra.

Basha pasi dëgjoi shqetësimet e disa banorëve, tha se sot më shumë se kurrë kanë dalë në pah mangësitë institucionale dhe shtetërore, me korrusionin dhe ndihmën selektive që u kanë bërë familjeve të goditura nga tërmeti.

“Në shtëpitë ku jam futur këto dy javë kam parë që para se t’i godiste tërmeti i 26 nëntorit, i kishte goditur tërmeti i varfërisë. Për fat të keq, mangësitë institucionale dhe shtetërore kanë dalë në pah më shumë se kurrë bashkë me korrupsionin dhe bashkë me atë që njerëzit po e dallojnë se po i ndajnë në të nënës dhe të njerkës. Në këtë kohë, kontributi vullnetar i të rinjve ka bërë një diferencë të jashtëzakonshme të përnatshme, të përditshme me nevojat bazike që nga fëmijët 4-5 muajsh e deri tek të moshuarit 80 apo 90 vjeç”, u shpreh kreu i opozitës.

Në takimet me banorët e prekur nga tërmeti në Mamurras, Basha u shoqërua nga rinjtë e FRPD-së, të cilëve u shprehu mirënjohje për kontributin vullnetar.

“Pavarësisht se shtetin prej kartoni e shembi tërmeti i korrupsiont, pasojat e tërmetit të vërtetë i përballuam me solidaritet dhe me bashkim të njerëzve më të pastër të këtij vendi që shpeshherë janë njerëzit që kanë vuajtur më shumë. Nuk është e rastësishme që Astiri, Aleanca për Teatrin janë në krye të grupimeve dhe organizatave që kanë kontribuar. Në krye të kësaj përpjekje, që i kam parë me sytë e mi prej orës së parë të fatkeqësisë në Thumanë kanë qenë të rinjtë dhe në veçanti të rinjtë e FRPD”-së”, tha Basha.

Sondazh

Article Logic
Execution time: 0.016155004501343
array(1) { ["section"]=> string(77) "basha-ne-mamurras-shtetin-prej-kartoni-e-shembi-termeti-i-korrupsionit-188789" }