Basha publikon raportin për biznesin dhe shkruan: Ne do ndryshojmë sistemin, Shqipërinë do ta shndërrojmë në vend tërheqës për investime

Publikuar tek: politike, më 11:38 11-07-2020 Basha publikon raportin për biznesin dhe shkruan: Ne do ndryshojmë sistemin, Shqipërinë do ta shndërrojmë në vend tërheqës për investime FotoArkive: Lulzim Basha

Lulzim Basha publikon një raport të Organizatës për Bashkëpunim Ekonomik dhe Zhvillim (OECD) dhe shkruan se ajo, sipas tij, fakton sa i drejtë është vendimi i PD për të ndryshuar sistemin ekonomik aktual që po mbyt biznesin dhe familjet.

“Sistemi që RAMAVIRUSI ka ngritur për të zhvatur bizneset, u vjedh atyre 32 ditë në vit për të paguar 35 lloje të ndryshme taksash dhe tarifash. Kjo llogari e publikuar nga Organizata për Bashkëpunim Ekonomik dhe Zhvillim, OECD, fakton sa i drejtë është vendimi ynë për të ndryshuar këtë sistem mbytës për ekonominë e çdo familje”, shkruan Basha.

Sipas kreut të PD, kur demokratët të vijnë në pushtet ekonomia nuk do të punojë për të pasuruar qeveritarët dhe klientët e tyre, por do të prodhojë mirëqenie, duke hapur vende të reja pune.

Shkrimi i plotë:

Të punosh dhe bësh biznes në Shqipëri është një luftë e përditshme me qeverinë dhe zyrtarët e korruptuar.

Sistemi që RAMAVIRUSI ka ngritur për të zhvatur bizneset, u vjedh atyre 32 ditë në vit për të paguar 35 lloje të ndryshme taksash dhe tarifash. Kjo llogari e publikuar nga Organizata për Bashkëpunim Ekonomik dhe Zhvillim, OECD, fakton sa i drejtë është vendimi ynë për të ndryshuar këtë sistem mbytës për ekonominë e çdo familje.

Me taksën e sheshtë 9 %, me një sistem taksimi të unifikuar, të lehtë dhe të parashikueshëm, do ta shndërrojmë Shqipërinë në një vend tërheqës për të punuar, investuar dhe bërë biznes.

E dimë që vendimet tona shkojnë kundër interesave të një grushti njerëzish të lidhur me pushtetin personal të Edi Ramës, por ne do t’i marrim këto vendime për ta pastruar ekonominë nga RAMAVIRUSI dhe për ta çliruar shumicën absolute të shqiptarëve nga depresioni dhe kriza RAMA. Ekonomia nuk do të punojë për të pasuruar qeveritarët dhe klientët e tyre, por do të prodhojë mirëqenie, duke hapur vende të reja pune.

Ndryshimin nuk ka forcë ta ndalë askush!

107612059_3314645288586629_2572989698939849139_n.jpg

Sondazh

Article Logic
Execution time: 0.010475158691406
array(1) { ["section"]=> string(141) "basha-publikon-raportin-per-biznesin-dhe-shkruan-ne-do-ndryshojme-sistemin-shqiperine-do-ta-shnderrojme-ne-vend-terheqes-per-investime-213524" }