BASHA thirrje Prokurorisë: Agim (Jorgo) KAJMAKU të merret i pandehur (VIDEO)

Publikuar tek: politike, më 10:44 25-08-2019 BASHA thirrje Prokurorisë: Agim (Jorgo) KAJMAKU të merret i pandehur (VIDEO) Kryebashkiaku i Vorë Agim Kajmaku

Kryedemokrati Lulzim Basha iu rikthye çështjes së kryebashkiakut të Vorës Agim Kajmaku, i cili akuzohet nga Partia Demokratike se ka manipuluar të dhënat personale, pasi ka qenë i dënuar në Greqi.

Basha akuzoi kryeministrin Rama dhe ministren e Infrastrukturës Belinda Balluku se ‘’kanë vendosur veton që në Vorë të kandidonte për PS-në Agim Kajmaku’’. Më tej, Basha vazhdon se Kajmaku ‘’duhet të merret si i pandehur për shkeljen e Ligjit të Dekriminalizimit dhe të përballet me drejtësinë greke’’.

Duke e akuzuar Ramën për zgjedhjen e figurave me të kaluar kriminale në funksionet e larta publike, kreu i opozitës kërkon që shqiptarët të rrëzojnë kreun e qeverisë.


Postimi i Lulzim Bashës:

Edi Rama është kërcënim dhe rrezik për jetën dhe sigurinë e çdo familje shqiptare! Ai ka kapur dhunshëm çdo pushtet me ndihmën e një bandë kriminelësh e hajdutësh me të cilët vjedh Shqipërinë.

Njëlloj si me Valdrin Pjetrin, Edi Rama e di se Agim Kajmaku i Vorës ka falsifikuar formularin e dekriminalizimit! Hajduti Psiqik e di se i përzgjedhuri i tij për Vorën ka probleme të hapura me drejtësinë greke, dhe se ai e ka fshehur të vërtetën.

Por Edi Rama, përmes Belinda Ballukut, vendosi veton dhe injoroi kërkesën e socialistëve të Vorës para 30 Qershorit që të mos kandidonte një person për të cilin e gjithë Vora e di se ka probleme të hapura me drejtësinë greke.

Jorgo Kajmaku duhet të largohet dhe të merret menjëherë i pandehur sepse ka shkelur Ligjin e Dekriminalizimit dhe ka fshehur të dhënat mbi të kaluarën e tij. Ai duhet të përballet edhe me drejtësinë greke të cilës i është fshehur prej vitesh! Por sërish Edi Rama e mbron Jorgo Kajmakun nga zbatimi i Ligjit të Dekriminalizimit, me anë të prokurorisë së korruptuar dhe politizuar.

Por sa kohë Edi Rama është në zyrën e kryeministrit, nuk do të ketë as drejtësi dhe as demokraci, banditët, kriminelët dhe hajdutët do të vjedhin dhe dhunojnë shqiptarët.

Krimi dhe Edi Rama janë të pandashëm. Që të largojmë krimin duhet të largojmë Edi Ramën! Shporrja e Hajdutit Psiqik dhe bandës së tij është jetike për sigurinë dhe jetën e çdo familje shqiptare!

Sondazh

Article Logic
Execution time: 0.031496047973633
array(1) { ["section"]=> string(78) "basha-thirrje-prokurorise-agim-jorgo-kajmaku-te-merret-i-pandehur-video-176265" }