Bebja prek në zemrën Trump, presidenti tërheq vendimin e tij

Publikuar tek: bota, më 08:16 05-02-2017 Bebja prek në  zemrën Trump, presidenti tërheq vendimin e tij

Irani është në mesin e vendeve të prekura nga kufizimet e udhëtimit, por një foshnjë katër muajsh nga republika islamike i është lejuar hyrja në Shtetet e Bashkuara.

Fëmija është e sëmurë e ka nevojë për një ndërhyrje urgjente kirurgjikale në zemër. Rasti i Fatemeh Reshadit ishte prekur më herët nga anëtarja demokrate e kongresit, Suzanne Bonamici, e cila e kritikoi ashpër urdhrin e Donald Trump-it në fjalën e mbajtur përpara dhomës së përfaqësuesve.

Nuk e di çfarë pati në mendje presidenti ynë kur e firmosi këtë urdhër, por me siguri nuk ka menduar për beben Fatemeh. T’i mbash foshnjët katër muajshe jashtë kufijve të Amerikës nuk e bën këtë vend më të sigurt. Kjo thjesht redukton shanset e saj për të jetuar dhe e ul figurën e SHBA-së në sytë e botës”, tha Suzanne Bonamici, anëtare e Kongresit amerikan.

Mbrëmjen e së premtes, Gjykatësi Federal, James Robart në Seattle urdhëroi bllokimin e përkohshëm të dekretit në rang kombëtar.

Me vendimin e tij, Robart i doli kundër juristëve të qeverisë që pretendonin se shtetet amerikane nuk janë në pozitën të sfidojnë urdhrat ekzekutive të Trump-it. Protestat kundër urdhrit që solli pështjellim e kaos në aeroportet amerikane nuk kanë të reshtur.

Njerëzit kanë dalë në rrugët e Sidnejt, Kanbera-s, Njukasëlli dhe Hobartit në Austriali si dhe në ato të  kryeqytetit indonezian Xhakartë për të treguar se janë kundër diskriminimit. Masën e Trump-it e kritikoi ashpër dhe ish-ambasadori irakian në Amerikë, Lukman Faily, i cili e konsideron tejet të padrejtë për popullin e vet dhe të tjerët.

Lajmet e rreme në Amerikën e Trump-it ishin në mendjen e Oliver Stone-it gjatë një ceremonie në Los Angeles, ku regjisori i madh hollivudian u nderua me çmim special si producent i dokumentarit” Ukraina ne flake”.

Stone i kërkoi publikut amerikan të reagoje kur sheh sesi e pavërteta zë rrënjë dhe kthehet në bazën e politikës së jashtme të vendit./TCH

Sondazh

Article Logic
Execution time: 0.27779603004456
array(1) { ["section"]=> string(65) "bebja-prek-ne-zemren-trump-presidenti-terheq-vendimin-e-tij-67755" }