Kryeministri Edi Rama ka inspektuar sot nga afër punimet në autostradën Tiranë-Elbasan, ndërkohë që sulmoi qeverinë e kaluar, teksa tha se e kanë nisur autostradën pa asnjë projekt dhe studim gjeologjik dhe për këtë arsye ka kushtuar dyfish më shumë.
Këtyre akuzave i është përgjigjur ish-kryeministri Sali Berisha, teksa ka publikuar disa foto krah Sokol Olldashit, në atë kohë ministër i Transportit.
Berisha e quan Ramën torollak dhe xhahil, pasi pretendon se autostarda Tirane – Elbasan është hedhur për ndërtim në tender ndërkombetar me fond limit 320 milion dollar dhe këto para janë paguar menjëherë sapo projekti ka mbaruar.
Gjithashtu Berisha shprehet se nga 7 kompani konkuruese tenderin me 253 milionë dollarë e fitoi kompania greke Aktor, për të cilën pretendon se i përfundoi punimet për 23 muaj.
Kundërpërgjigja e Berishës në Facebook:
Torallak dhe xhahil mender kryeministri!
Sot gjate nje inspektimi ne vendin e krimit, rrugen Ibe - Tirane, 11 km rruge ne te cilat punohet nga 2013 deri sot, mender kryeministri deklaroi se kjo rruge qenka tenderuar pa projekt madje vetem sa nuk tha se faj e per vjedhjet e tmerrshme te 150 milione dollareve ne segmentin Ibe -Tirane e ka ndertimi i tunelit dhe segementi Krrab - Elbasan.
Te dashur miq, te besh nje deklarate te tille duhet te jeshe torallak dhe xhahil sepse sipas dokumentave qe nje xhahil apo torollak nuk mund ti kuptoje. Autostarda Tirane - Elbasan:
- pasi ka perfunduar projekti i plote dhe jane paguar dhe parate firmes
- eshte hedhur per ndertim ne tender nderkombetar me fond limit 320 milion dollare te publikuar ne disa nga gazetat me te medha te botes
- Per nderimin e saj treguan interes dhe moren pjese ne tender 7 kompani te medha nderkombetare
- ne vitin 2010 tenderin e fitoi me 253 milione dollare kompania e madhe greke Aktor
-Kompania Aktor perfundoi plotesisht ne nje kohe prej 23 muajsh:
- Tunelin e Krrabes dhe
- segmentin Krrabe - Elbasan prej 17 km si dhe
- 3-4 km ne segmentin Ibe -Tirane dhe kreu punime te tjera te rendesishme ne kete segment
Qe nga fundi i vitit 2010 deri sot vazhdon vjedhja e paimagjinueshme ne kete veper.
Keshtu, çmimi i segmentit pre 10 km Ibe - Tirane, per shkak te vjedhjeve nga Rama Gjiknuri, qe çmimi ne teresi i vepres te rritet nga 255 milion, me te cilin ishte fituar tenderi, ne 420 milion dollare, kjo sepse me vjedhje çmimi i segmentit Ibe -Tirane u rrit ne 17 milion dollare per km nderkohe qe tuneli i Krrabes eshte hapur me 16 milion dollare km.
Prandaj miq, mender Kryeministri, per te fshehu sadopak vjedhjet e medha ne kete veper, te cilen ne 10 km e segmentit Ibe - Tirane punohet prej 6 vitesh, flet si xhahil dhe torollak pasi e di se qe te dy jane me mire se nje hajdut. sb
