Borë dhe acar në gjithë vendin, mësoni gjendjen e rrugëve dhe kushtet e qarkullimit të automjeteve

Publikuar tek: aktualitet, më 09:03 05-01-2019 Borë dhe acar në gjithë vendin, mësoni gjendjen e rrugëve dhe kushtet e qarkullimit të automjeteve

Ditët e fundit vendi është 'pushtuar' nga rreshjet e borës dhe temperaturat e ulta.

Autoriteti Rrugor Shqiptar jep informacione lidhur me gjendjen e rrugëve dhe kushteve të qarkullimit të automjeteve.

Sipas njoftimit të ARRSH, qarkullimi rekomandohet të bëhet me kujdes dhe të përdoren gomat e dimrit.


Në Rajonin Verior Shkoder: Nuk ka pasur reshje gjate natës, temperaturat shumë të ulëta, të cilat kanë shkaktuar prezencën e akullit në rrugë. Kontraktorët e mirëmbajtjes kanë punuar gjatë gjithë ditës dhe janë ende duke punuar për pastrimin e akseve dhe shpërndarjen e kripës.
Në akset rrugore Pukë-Fushë Arrëz , Kuben-Vasie, Burrel-Peshkopi, Skuraj-Burrel, është bërë pastrimi dhe shpërndarja e kripës dhe qarkullimi është pa probleme. 
Pa probleme qarkullohet edhe në aksin Shkodër - Hani i Hotit - Tamarë.
Lëvizja e mjeteve duhet të kryhet me zinxhirë në pjesën fundore të aksit Ura e Cerenecit-Steblevë.
Drejtuesit e mjeteve të vendosin zinxhir në orët e para të mëngjesit në akset Qafë Bualli - Krastë, Kukës-Ura e Zapodit, dhe Kukës-Bushtricë, për shkak të prezencës së ngricave në rrugë.

Në Rajonin Qendror Tirane: Në akset e Dajtit, sidomos në pjesët fundore të tyre, është punuar për shpërndarjen e kripës dhe pastrim e rrugës nga dëbora. Në të gjitha akset kalohet pa zinxhir. 
Në aksin Librazhd-Steblevë, në segmentin Lunik-Stebleve qarkullimi rekomandohet të kryhet me zinxhirë. 
Në aksin Elbasan-Gjinar nuk ka probleme për qarkullimin. 
Në aksin Librazhd-Përrenjas-Qafë Thanë është punuar për pastrimin dhe qarkullimi kryhet pa zinxhir.

Në Rajonin Jugor Gjirokastër: Gjetë natës nuk ka pasur reshje dëbore, por temperaturat vazhdojnë të jenë shumë të ulëta. Është punuar në orët e para të mëngjesit për shpërndarjen e kripës dhe pastrimin e kaseve. 
Aksi kryesor Qafë-Thanë-Pogradec-Korçë-Bilisht-Kapshticë qarkullohet pa zinxhir. 
Korçë-Voskopojë qarkullohet pa zinxhir.
Qarkullimi kryhet me zinxhir në Boboshticë-Dardhë, Qafë Qarri-Ersekë, Liqenas-Doganë Goricë. Kontraktorët e mirëmbajtjes kanë punuar gjatë gjithë ditës dhe janë ende duke punuar për pastrimin e këtyre akseve dhe trajtimin e tyre me kripë.
Me zinxhir qarkullohet në pjesën fundore të segmentit Erind-Cajup, si dhe në segmentin Sevaster-Kalivac.
Në segmentin Ura e Leklit-Përmet është punuar për shpërndarjen e kripës në vendet ku ka ngrica. Qarkullimi rekomandohet të bëhet me kujdes dhe të përdoren gomat e dimrit.
Është punuar për pastrimin dhe shpërndarjen e kripës edhe në aksin Tepelenë-Dorez-Peshkopi. Qarkullimi kryhet me kujdes.

Rekomandohen përdoruesit e rrugës të tregojnë kujdes dhe të respektojnë sinjalistikën rrugore. Të vendosin zinxhir në akset që përmendëm më sipër, të respektojnë udhëzimet e Policisë së Qarkullimit Rrugor, të lëvizin me shpejtësi të reduktuar, të përdorin gomat e dimrit.

 

Sondazh

Më shumë në këtë kategori: « I ftohti i acartë, gjendet i vdekur një burrë në mes të rrugës në Korçë (EMRI)
Ruçi uron zyrtarët e lartë të sapozgjedhur të Kongresit të SHBA-së »
Article Logic
Execution time: 0.013207912445068
array(1) { ["section"]=> string(104) "bore-dhe-acar-ne-gjithe-vendin-mesoni-gjendjen-e-rrugeve-dhe-kushtet-e-qarkullimit-te-automjeteve-147575" }