Botohet ‘Mbreti Zog, pas dyerve të mbyllura’, studiuesi Kapri zbulon luftën e panjohur

Publikuar tek: kulture-art, më 19:00 09-11-2019 Botohet ‘Mbreti Zog, pas dyerve të mbyllura’, studiuesi Kapri zbulon luftën e panjohur

Këtë vit Panairit të Librit i është bashkuar edhe studiuesi Erald Kapri me botimin ‘Mbreti Zog, pas dyerve të mbyllura’.

Pas librit të parë ‘Sekretet e Luftës’, ai rrëfen historinë e panjohur të Mbretit Zog për të rifituar fronin.

Kapri tregon prapaskenat për njohjen e Zogut si kreu i shtetit shqiptar në mërgim, ndikimin e kryeministrit britanik, Uinston Çërçill, liderit të Bashkimit Sovjetik, Stalinit dhe Presidentit të SHBA-ve, Frenklin Ruzvelt.

Theksojmë që ky libër është vlerësuar së tepërmi nga njerëzit e letrave, ku mund të përmendim romacierin britanik Robert Willton, profesorin e Oxford-it, Roderick Bailey si dhe shkrimtarin Gazment Kapllani.

‘Një prezantim i shkurtër i librit Mbreti Zog; Pas dyerve të mbyllura, që del në Panair javën e ardhshme. Mirëpres çdo kritikë e sugjerim!

Ky libër rrëfen historinë e panjohur të Mbretit Zog për të rifituar fronin. Në vitet e Luftës së Dytë Botërore, Ahmet Zogu u kthye në lajm, jo vetëm si “Mbreti i pashëm i vendit më romantik të Europës”, bashkëshorti i “Trëndafilit të bardhë të Hungarisë”, “Duhanpirësi më i madh i kohës”, “Mbreti i çuditshëm”, “Monarku i maleve”, “Mbreti me thesar me vete” që jetonte në një kat të tërë të hotelit më të njohur të Londrës, por edhe si monarku i vetëm që shprehej i gatshëm të kthehej me armë në dorë.

Një histori që ndodhi pas “dyerve të mbyllura”. Libri tregon prapaskenat për njohjen e Zogut si kreu i shtetit shqiptar në mërgim, ndikimin e kryeministrit britanik, Uinston Çërçill, liderit të Bashkimit Sovjetik, Stalinit dhe Presidentit të SHBA-ve, Frenklin Ruzvelt.

Rezistenca që nisi para 7 prillit 1939 e deri tek shpallja e Shqipërisë “Republikë Socialiste”, trajtohen në këtë libër. Viktima e parë e fashizmit, aleati Zog qendroi në pritje si “gur i vlefshëm” i një loje shahu që nuk u përdor kurrë. Mbreti shqiptar fitoi admirim të heshtur por mbeti një aleat i neglizhuar.

Ahmet Zogu siç nuk është njohur, lufta e tij, jeta mes mbretërorëve në Londër, pasuria, skupet në shtypin perëndimor, planet ushtarake sekrete të aleatëve dhe përplasjet për të ardhmen e Shtetit Shqiptar në konfliktin më të madh të njerëzimit, vijnë të gjitha në këtë libër. Një histori që mund të kishte rezultuar ndryshe për shqiptarët, nëse Mbreti do rikthehej, siç kishte ndodhur më herët’, shkruan Erald Kapri.

Sondazh

Article Logic
Execution time: 0.0073561668395996
array(1) { ["section"]=> string(89) "botohet-mbreti-zog-pas-dyerve-te-mbyllura-studiuesi-kapri-zbulon-luften-e-panjohur-185301" }