‘Çdo qytetar i pasigurt’, PD Shkodër shpërthen në akuza: Spitali Rajonal vatër infeksioni që nga fillimi i pandemisë

Publikuar tek: aktualitet, më 19:55 11-08-2020 ‘Çdo qytetar i pasigurt’, PD Shkodër shpërthen në akuza: Spitali Rajonal vatër infeksioni që nga fillimi i pandemisë Ilustruese

Dega e Partisë Demokratike në Shkodër, ka reaguar në lidhje me situatën e Covid në këtë qytet, ku përmes një deklarate për media, akuzon se Spitali Rajonal në qytetin verior është shndërruar tashmë në një vatër të infeksionit.

“Qarku Shkodër në aspektin e shërbimit shëndetësor po përballet me neglizhencën e qeverisjes qëndrore. Qytetarë të harruar e pa shërbime, Spital Rajonal vatër infeksioni që nga fillimi i pandemisë, ku pjesa më e madhe e mjekëve u bënë “kurban” i kësaj qeverisje e kësaj Ministrie Shëndetësie, ku vlerat e shëndetësisë qëndrojnë tek shërbimi i rojeve me qindra e miliona lekë, tek lyerja e fasadave me ngjyra alla mavi, por jo tek shërbimi ndaj qytetarëve”, thuhet mes të tjerash në deklaratë.

Postimi i PD Shkodër:

Sot, çdo qytetar i qarkut Shkodër nuk ka më siguri në jetën e tij të përditshme. Bashkëjetesa me virusin e rrezikshëm COVID-19, sot më shumë se kurrë bën që çdo qytetar i Shkodrës të ndjehet i pasigurtë.

Nëse një qytetar i thjeshtë,me të ardhura minimale i drejtohet DSHP Shkodër për një tampon, aty pritet nga ngritja e supeve dhe nga përgjigja: “Nuk kemi mundësi për këtë shërbim, duhen shfaqur të gjitha shenjat e COVID-19. Izolohu në shtëpi, mos dil dhe monitoro veten”.

Qarku Shkodër në aspektin e shërbimit shëndetësor po përballet me neglizhencën e qeverisjes qëndrore. Qytetarë të harruar e pa shërbime, Spital Rajonal vatër infeksioni që nga fillimi i pandemisë, ku pjesa më e madhe e mjekëve u bënë “kurban” i kësaj qeverisje e kësaj Ministrie Shëndetësie, ku vlerat e shëndetësisë qëndrojnë tek shërbimi i rojeve me qindra e miliona lekë, tek lyerja e fasadave me ngjyra alla mavi, por jo tek shërbimi ndaj qytetarëve.

Kryeqendra e veriut, sot po përballet me mungesën e tamponëve dhe është larg vëmendjes së qeverisë,e cila i kthen sytë nga Shkodra vetëm në periudhë fushate për të mbushur kutiat dhe qytetarët dhe premtime boshe.

Sondazh

Article Logic
Execution time: 0.01003885269165
array(1) { ["section"]=> string(119) "cdo-qytetar-i-pasigurt-pd-shkoder-shperthen-ne-akuza-spitali-rajonal-vater-infeksioni-qe-nga-fillimi-i-pandemise-216834" }