Cigare kontrabandë nga Greqia, arrestohet shoferi i linjës Athinë-Vlorë

Publikuar tek: aktualitet, më 09:07 16-12-2019 Cigare kontrabandë nga Greqia, arrestohet shoferi i linjës Athinë-Vlorë

Policia Kufitare Kakavijë ka arrestuar një drejtues autobus, pasi fshehu mallrat në mjet me qëllim mospagimin e detyrimeve doganore. 

Mësohet se shtetasi B. L., 40 vjeç, drejtonte autobusin e linjës Athinë-Vlorë do të hynte në Republikën e Shqipërisë nëpërmjet Pikës së Kalimit Kufitar Kakavijë.

Gjatë kontrollit, në pjesën e brendshme të autobusit, në një vend të përshtatur në pjesën e kondicionerit dhe në pjesën e tualetit u gjeten dhe u sekuestruan në cilësinë e provës materiale 63 steka cigaresh, si dhe në bagazhin e mjetit u gjetën dy valixhe me konfeksione, të cilat do të futeshin kontrabandë në vendin tonë.

Materialet i kaluan Prokurorisë pranë Gjykatës së Shkallës së Parë Gjirokastër, për veprat penale ‘Kontrabandë me mallra që paguhet akcizë’ dhe ‘Kontrabandë me mallra të tjerë’.

Njoftimi i Policisë:

Policia Kufitare godet një rast të kontrabandës me mallra që paguhet akcizë.

Fsheh mallrat në mjet me qëllim mospagimin e detyrimeve doganore, arrestohet në flagrancë drejtuesi i mjetit.

Në kuadër të masave të shtuara për parandalimin dhe goditjen e paligjshmërisë, si dhe në bazë të informacioneve të mara në rrugë operative se një autobus i linjës Athinë-Vlorë, në të cilin kishte dhe mallra të fshehura me qëllim mospagimin e detyrimit doganor, do të hynte në Republikën e Shqipërisë nëpërmjet Pikës së Kalimit Kufitar Kakavijë, shërbimet e Policisë Kufitare Kakavijë, në bashkëpunim me shërbimet doganore kryen një kontroll në këtë mjet.

Gjatë kryerjes së kontrollit, në pjesën e brendshme të autobusit, në një vend të përshtatur në pjesën e kondicionerit dhe në pjesën e tualetit u gjeten dhe u sekuestruan në cilësinë e provës materiale 63 steka cigaresh, si dhe në bagazhin e mjetit u gjetën dy valixhe me konfeksione, të cilat do të futeshin kontrabandë në vendin tonë.

Nga kryerja e veprimeve të para hetimore, nga specialistët e Seksionit për Hetimin e Krimeve Ekonomike dhe Financiare në D.V.P. Gjirokastër u arrestua në flagrancë shtetasi B. L., 40 vjeç, banues në Fier, drejtuesi i autobusit.

Materialet në ngarkim të shtetasit të mësipërm i kaluan Prokurorisë pranë Gjykatës së Shkallës së Parë Gjirokastër, për veprat penale "Kontrabandë me mallra që paguhet akcizë" dhe "Kontrabandë me mallra të tjerë".

Sondazh

Më shumë në këtë kategori: « Ligjet që nuk u dekretuan, PS pritet të ‘rrëzojë’ sot Metën
‘Më duhen 1 milionë lekë se po më kërcënojnë’, arrestohet punëtori në Berat për mashtrim (EMRI) »
Article Logic
Execution time: 0.0080361366271973
array(1) { ["section"]=> string(77) "cigare-kontrabande-nga-greqia-arrestohet-shoferi-i-linjes-athine-vlore-189515" }