Dekriminalizimi, Bello: Janë eleminuar zërat kritikë, listat i bën kryetari

Publikuar tek: aktualitet, më 11:49 22-03-2015 Dekriminalizimi, Bello: Janë eleminuar zërat kritikë, listat i bën kryetari

Ish anëtari i Kryesisë së Partisë Socialiste Marko Bello, është shprehur rreth dekriminalizimit të parlamentit se problem qëndron te përpilimi i listave nga kryetari i partisë dhe jo nga partia, siç ndodh në Europë.

“Sipas zëvëndëskryetarit të Komisionit parlamentar gjerman për Çështjet Europiane, Dietmar Nietan, aresyeja e depërtimit të elementëve me të kaluar kriminale në Parlament, duhet kërkuar tek drejtuesit e partive politike që përpilojnë listat e kandidatëve për deputet, jashtë kontrollit të partive të tyre”, shkruan Marko Bello.

Bello shprehet se kohët e fundit nga partitë janë eleminuar zërat kritikë dhe janë humbur cilësitë e një organizmi të gjallë dhe dinamik.

“Në Gjermani, tha Nietan, listat i bën partia, jo kryetari. Mblidhet kongresi ku debatohet dhe ku ballafaqohen kandidatët...Pra ka filtra që nuk lejojnë në asnjë mënyre caktimin e njerëzve të dyshimtë.

Edhe në Shqipëri ka patur filtra të tillë, por gradualisht partitë humbën cilësitë e një organizmi të gjallë dhe dinamik, duke u atrofizuar; eliminuan zërat kritikë, hoqën dorë nga rregullat e lojës dhe ia dorëzuan partinë dhe vendimmarrjen vetëm një individi”, shkruan Bello.

Sipas Bellos, dëmi është pothuajse i parikuperueshëm, për sa kohë do të preferojmë liderë të fortë dhe jo institucione të forta, rezultatet do të jenë katastrofike, shprehet ai.

Sondazh

Më shumë në këtë kategori: « AK, Kreshnik Spahiu nuk pranon koalicion me asnjërën nga partitë
Sarandë, Rama: 16.6 milionë lekë për pyllëzimin e kurorës së qytetit »
Article Logic
Execution time: 0.01319694519043
array(1) { ["section"]=> string(77) "dekriminalizimi-bello-jane-eleminuar-zerat-kritike-listat-i-ben-kryetari-6614" }