DENONCIM/ U shkarkua për SHPËRDORIM DETYRE, Rama i jep postin e DREJTORIT (EMRI)

Publikuar tek: politike, më 12:50 23-02-2018 DENONCIM/ U shkarkua për SHPËRDORIM DETYRE, Rama i jep postin e DREJTORIT (EMRI)

Gjykata e shkarkon nga drejtor i FSDSH për shpërdorim detyre, Edi Rama e emëron drejtor në INSTAT. Është ky denoncimi që vjen nga PD për Erjon Manohasën.

Denoncimi është bërë nga zëdhënësja Ina Zhupa përmes një deklarate për media ku tha se emërimet e dyshimta të Edi Ramës në pika kyçe të administratës janë treguesi më i qartë se prapa fasadës dhe propagandës për “bashkëqeverisje me njerëzit e zakonshëm” qëndron tepsia e pushtetit të korruptuar, siç u shpreh Zhupa.

“Rasti i Erjon Manohasës është tipik për një qeveri që predikon drejtësi, por mbështet dhe gradon ata që kryejnë padrejtësi”, tha zëdhënësja nga selia blu.

MË SHUMË NGA DENONCIMI I INA ZHUPËS:

Për këdo që nuk e njeh, Erjon Manohasa ka qenë, deri para pak kohësh, Drejtori i Fondit të Sigurimit të Detyrueshëm Shëndetësor, që menaxhon interesat multimilionere të shëndetësisë. Por drejtori i tepsisë së pushtetit, perfaqësues i PDIU-së, u shkarkua nga detyra me vendim gjykate “për shpërdorim detyre”, sepse dyshohej se firmosi një kontratë korruptive për nje laborator hemodialize ne Durrës, që nuk plotësonte asnjë kusht për këtë shërbim jetësor për të sëmurët.

Sot, sërish si pjesë e tepsisë së pushtetit, drejtori i shkarkuar Erjon Manohasa është emëruar sërish drejtor. Ai do të jetë në krye të Drejtorisë së Integrimit dhe Projekteve në Institutin e Statistikave. Thënë ndryshe, të dhënat statistikore që Bashkimi Europian do të marrë nga Shqipëria janë në përgjegjësinë e të njëjtit drejtor që u hoqi të sëmurëve të drejtën e kurimit me hemodializë në spital, duke i detyruar ta bënin atë në një apartament që nuk plotësonte asnjë standard.

Rasti i Erion Manohasës si modeli i zyrtarit të shkarkuar nga gjykata për shpërdorim detyre me dyshime për korrupsion, nxjerr në dritë realitetin që fshihet nga propaganda qeveritare: se tepsia e pushtetit jo vetëm nuk është çuar për skrap, por ajo ka vend për këdo që i shërben pushtetit të korruptuar dhe të inkriminuar të Edi Ramës.

Sondazh

Article Logic
Execution time: 0.013258934020996
array(1) { ["section"]=> string(83) "denoncim-u-shkarkua-per-shperdorim-detyre-rama-i-jep-postin-e-drejtorit-emri-111195" }