'Dhimbja na bëri bashkë', Albin Kurti kujton tërmetin e 26 nëntorit: Shqipërisë nuk i kanë ardhur ende fondet e premtuara nga ndërkombëtarët

Publikuar tek: aktualitet, më 22:47 26-11-2020 'Dhimbja na bëri bashkë', Albin Kurti kujton tërmetin e 26 nëntorit: Shqipërisë nuk i kanë ardhur ende fondet e premtuara nga ndërkombëtarët

Tërmeti tragjik i 26 Nëntorit 2019 që kujtohet sot, u mori jetën 51 personave dhe u shuan përgjithmonë disa familje.  

Në përvjetorin e kësaj dite të dhimbshme, Kryetari i Vetëvendosjes, Albin Kurti thotë se tronditja e tokës ishte ndjerë në gjithë qytetet e Kosovës.

Por, sipas tij, më e fortë ishte tronditja prej dhimbjes së familjeve që humbën më të dashurit e tyre, me të cilët ndau pikëllimin e gjithë Kosova dhe kombi shqiptar.

Sipas Kurtit, shteti shqiptar ende nuk ka marrë fondet që i ishin premtuar nga ndërkombëtarët në konferencën e donatorëve për rindërtim.


"E kujtojmë sot tërmetin e 26 nëntorit 2019, që preku qindra mijëra njerëz në Shqipëri. Tronditjen e tokës e ndjemë në gjithë qytetet e Kosovës. Por më e fortë ishte tronditja prej dhimbjes së familjeve që humbën më të dashurit e tyre, me të cilët ndau pikëllimin e gjithë Kosova dhe kombi shqiptar. Dhimbja na bëri bashkë. Qytetarët e Kosovës, ashtu si gjithë shqiptarët kudo që janë, u erdhën në ndihmë motrave e vëllezërve të dëmtuar nga tërmeti,me gjithë çka patën mundësi. Ushtria e Kosovës u nis menjëherë në mbështetje të operacioneve të kërkim shpëtimit. Edhe deputeti ynë, Liburn Aliu, i cili ka përvojë në misione të tilla, u gjend në Thumanë, duke ndihmuar edhe personalisht për nxjerrjen e njerëzve nga rrënojat, e historia që më ka treguar ka lënë mbresa të pashlyeshme. Aktivistët e Lëvizjes me ndihmën e shumë qytetarëve mblodhën mbi 300 ton ndihma, që i dorëzuan në Rezervat e Shtetit, në Shqipëri. U hapën shtëpitë në Kosovë e u ngritën kampe që prisnin të pastrehët, për ta lehtësuar sado pak dhimbjen e vuajtjen. Edhe sot e kësaj dite në Kosovë ka ende familje nga Shqipëria, mbetur pa strehë atje e të strehuara këtu.

"Sot jemi sërish bashkë në përkujtimin e viktimave dhe gjithë pasojave të tërmetit. E dimë që ende mijëra njerëz vazhdojnë të jetojnë në çadra, ashtu siç e dimë se Shqipërisë nuk i kanë ardhur fondet e premtuara nga ndërkombëtarët në konferencën e donatorëve për rindërtimin. Në emër të Lëvizjes VETËVENDOSJE! dëshiroj t'i shpreh institucioneve në Republikën e Shqipërisë gatishmërinë tonë maksimale për të ndihmuar në këtë kohë kaq të vështirë. Sfidat i përballojmë më mirë, vështirësitë i kalojmë më lehtë kur jemi të bashkuar," shkruan Kurti në rrjetin social "Facebook".

Sondazh

Më shumë në këtë kategori: « Pas tërmetit jetojnë në çadër, kryefamiljari në Laç: Me 5 mln lekë nuk bëj dot as çatinë - Shkreli: Bëhet me 3-4 mln, ai ka marrë 5
E BUJSHME/ Gjyqi i humbur ndaj Francesco Becchettit dhe detyrimi 110 milionë euro, Austria nis konfiskimin e pasurive shqiptare »
Article Logic
Execution time: 0.013224124908447
array(1) { ["section"]=> string(143) "dhimbja-na-beri-bashke-albin-kurti-kujton-termetin-e-26-nentorit-shqiperise-nuk-i-kane-ardhur-ende-fondet-e-premtuara-nga-nderkombetaret-229266" }