Dhunoi, drogoi dhe përdhunoi shqiptaren në Itali, gjykata dënon shtetasin rom

Publikuar tek: aktualitet, më 22:40 07-03-2017 Dhunoi, drogoi dhe përdhunoi shqiptaren në Itali, gjykata dënon shtetasin rom

Gjykata e Romës ka dënuar me 7 vite burg një nga të akuzuarit për rrëmbimin, drogimin dhe përdhunimin e vajzës shqiptare Besjana Kosturi në Itali.

Akuzat që rëndonin mbi autorin ishin “sekuestrim personi” e “dhunim fizik”. Ngjarja e ndodhur në maj të vitit 2016, në lagjen Prenestina të Romës.

Besjana e babai i saj, profesori Vladimir Kosturi u shprehen të kënaqur nga ky vendim, në një komunikim telefonik për Ora News.

“Vendimi maksimal i parashikuar nga kushtetuta italiane është 10 vjet burg, por meqë autori ka pranuar fajin e ka kërkuar një gjykim të shkurtuar, dënimi është ulur në 7 vjet”, – u shprehën at e bijë.

Babai i Besjanës, i cili është kryetar i shoqatës shqiptare “Iliria” në Romë, shprehet gjithashtu se falë kërkesës së bërë në emër të kësaj shoqate, Gjykata e Romës ka marrë vendimin dhe për përmirësimi e lagjes ku ndodhi ngjarja e rëndë, e ku prej kohësh është pozicionuar një kamp rom.

Sipas Vladimir Kosturit, falë kërkesës së shoqatës Iliria u arrit dhe një kërkesë që prej kohësh është bërë nga banorët e lagjes. “Jemi të kënaqur e shpresojmë që shumë shpejt ky kamp rom, kaq pranë banesave tona, të mos vë më në rrezik jetën e fëmijëve e familjeve tona” -u shpreh babai i vajzës.

Sondazh

Më shumë në këtë kategori: « Rektori i Universitetit të Elbasanit fsheh të dhënat në formularin e dekriminalizimit, zbulohen dokumentet
8 marsi, sot dita ndërkombëtare e gruas »
Article Logic
Execution time: 0.011412858963013
array(1) { ["section"]=> string(81) "dhunoi-drogoi-dhe-perdhunoi-shqiptaren-ne-itali-gjykata-denon-shtetasin-rom-71122" }