Dita e Verës një festë sa tradicionale aq edhe e ndërthurur çdo vit me risi.
Ashtu si në çdo qytet, kryesisht në Elbasan dhe Tiranë ku festimet arrijnë kulmin, edhe në rrethet dhe kryesisht në Shqipërinë e mesme ka mënyra dhe tradita të ndryshme. Jo shumë larg Elbasanit, rreth 20-30 km larg qytetit buzë Liqenit të Banjës ndodhet i sheshpushimi nga ku duket pamja fantastike e rezervuarit të liqenit ku dikur shtrihej shtrati i lumit Devoll.
Shumë banorë të zonës dhe familjar e grupe shoqërore të ardhura nga Tirana, Elbasani, Durrësi e zona të tjera parkojnë makinat në shesh dhe kalojnë aty në shoqërin e muzikës dhe familjarëve të tyre ditën festive në sheshet dhe lulishtet përreth liqenit.
Duke konsumuar ushqimin që e përgatitin me zgara të improvizuara, pije dhe ballokumet apo vezët e ziera, tradicionale të kësaj dite, kalohet gjithë dita në natyrë dhe në prani të ushqimit bio dhe natyrës ende e pa prekur nga ndertesat luksoze të betonit. Tradita do që kjo ditë të jetë sa më festive dhe bashkëpunuese mes miqve e familjarëve./ E.Mema për newsbomb.al
