Dita ndërkombëtare e Rinisë, Meta apel të fortë: Bashkohuni dhe merrni në dorë fatet tuaja dhe të atdheut

Publikuar tek: politike, më 09:27 12-08-2020 Dita ndërkombëtare e Rinisë, Meta apel të fortë: Bashkohuni dhe merrni në dorë fatet tuaja dhe të atdheut Foto nga protestat e te rinjve dikur

Sot është Ditën Ndërkombëtare të Rinisë, dhe presidenti Ilir Meta, ka zgjedhur të bëjë një apel të fortë për brezin e ri, të cilët i quan shpresa dhe garancia e lirisë.

Përmes një postimi në “facebook”, presidenti shkruan se apeli i tij për të gjithë të rinjtë është që të bashkohen dhe të marrin në dorë fatet e tyre dhe të atdheut.

“Të dashur të rinj e të reja, shpresa dhe garancia e lirisë, sovranitetit e së ardhmes europiane së Shqipërisë,

Është fakt se shumë prej jush përballen ende me pengesa, përjashtime, moskuptime dhe zhgënjime të mëdha, që ju kanë detyruar të gjeni forma të ndryshme për t'u arratisur nga ky realitet i papranueshëm, deri edhe në largim masiv nga Atdheu.

Përgjatë gjithë historisë sonë, luftës për liri e pavarësi dhe përpjekjeve për demokratizim, progres e begati të Shqipërisë, veçanërisht në momentet e tragjedive, kriza dhe sfidave të mëdha, populli ynë është ringritur dhe udhëhequr nga idealet, guximi, energjia, talenti dhe forca e rinisë, duke i bërë ballë çdo lloj vështirësie dhe shpartalluar çdo lloj kërcënimi.

Sot në Ditën Ndërkombëtare të Rinisë, apeli im për të gjithë ju të rinj e të reja kuq e zi është: BASHKOHUNI DHE MERRNI NË DORË FATET TUAJA DHE TË ATDHEUT TONË!

Është koha të mbroni të ardhmen e Shqipërisë dhe unë besoj në vetëdijen dhe përgjegjshmërinë e madhe që do të merrni për ta ushtruar me vendosmëri dhe shqiptari këtë detyrë të lartë!

KOHA QË ZËRI JUAJ TË DËGJOHET! PO, SHQIPËRIA DO BËHET NGA RINIA! NËSE JO JU, KUSH TJETËR?! O SOT, O KURRË”, shkruan Meta.

Sondazh

Article Logic
Execution time: 0.010663986206055
array(1) { ["section"]=> string(110) "dita-nderkombetare-e-rinise-meta-apel-te-forte-bashkohuni-dhe-merrni-ne-dore-fatet-tuaja-dhe-te-atdheut-216865" }