Ditë e zezë në Kosovë: 14 viktima nga COVID, më shumë se 500 raste të reja (SHIFRAT)

Publikuar tek: rajon, më 15:05 02-12-2020 Ditë e zezë në Kosovë: 14 viktima nga COVID, më shumë se 500 raste të reja (SHIFRAT)

Situata vijon të jetë e rënduar sa i përket pandemisë së koronavirusit në Kosovë.

Gjatë 24 orëve të fundit kanë humbur jetën nga koronavirusi 14 persona në Kosovë.

Nga 1.340 persona të testuar si të dyshuar me Covid, 555 prej tyre kanë rezultuar pozitiv.

Numri total i rasteve pozitive është 40.672, ndërsa 1.040 raste të vdekjes.

E plotë:

Gjatë 24 orëve të fundit, në Laboratorin e Mikrobiologjisë Molekulare në IKShPK dhe laboratoret private me metodën RT-PCR, janë testuar gjithsej 1.340 mostra të marra nga ShSKUK dhe gjurmimi i kontakteve të rasteve në terren, prej të cilëve rezultojnë 555 raste pozitive.

Brenda 24 orëve janë raportuar 14 raste të vdekjes me SARS CoV-2 pozitiv. Rastet e vdekjes janë nga komunat: Ferizaj 3 raste (82, 75, 69 vjeç), Prishtinë 2 raste (77, 56 vjeç), Gjilan 2 raste (82, 63 vjeç), Prizren 1 rast (76 vjeç), Gjakovë 1 rast (65 vjeç), Kamenicë 1 rast (70 vjeç), Istog 1 rast (78 vjeç), Suharekë 1 rast (81 vjeç), Mitrovicë 1 rast (84 vjeç) dhe Viti 1 rast (78 vjeç).

Numri total i rasteve pozitive është 40.672 raste nga 146.703 persona të dyshimtë në virusin SARS-CoV-2 dhe 1.040 raste të vdekjes.

Gjatë 24 orëve të fundit, janë shëruar 324 pacientë derisa numri i përgjithshëm i të shëruarve deri më sot është gjithsej 25.910 raste, kurse numri i rasteve aktive është 13.722.  Rastet pozitive janë nga komuna Prishtinë 327 raste, Lipjan 32 raste, Fushë-Kosovë 27 raste, Mitrovicë 23 raste, Obiliq 21 raste, Prizren 21 raste, Podujevë 20 raste, Vushtrri 15 raste, Drenas 14 raste, Malishevë 12 raste, Suharekë 12 raste, Gjilan 7 raste, Graçanicë 4 raste, Kaçanik 4 raste, Gjakovë 3 raste, Skenderaj 3 raste, Ferizaj 2 raste, Istog 2 raste, Rahovec 2 raste dhe me nga 1 rast Kamenicë, Klinë, Pejë dhe Shtime.

Mbuloni gojën dhe hundën me maskë! Mbani higjienën! 

Respektoni distancën!

Sondazh

Më shumë në këtë kategori: « Situata nga pandemia e COVID, Kosova MBYLL shkollat
»
Article Logic
Execution time: 0.0099239349365234
array(1) { ["section"]=> string(87) "dite-e-zeze-ne-kosove-14-viktima-nga-covid-me-shume-se-500-raste-te-reja-shifrat-229916" }