Një ngjarje e rëndë që mund të kishte përfunduar me pasoja më të mëdha ka ndodhur sot në fshatin Hajdaran në Elbasan.
Djali i ka vendosur flakën shtëpisë pas një konflikti me familjarët, e për pasojë disa prej tyre kanë mbetur të asfiksuar dhe me plagë të lehta.
Por nuk është mjaftuar me kaq, pasi me shishen e benzinës që kishte në dorë, i riu rreth 25-vjeç i ka vënë zjarrin edhe shtëpisë së fqinjit, ku një grua ka mbetur e lënduar nga flakët në disa pjesë të trupit.
Ata po transportohen drejt spitalit të Elbasanit ndërsa djali është shoqëruar në komisariat pasi është arrestuar nga policia. Zjarrfikësja ka shkuar në vendngjarje dhe ka bërë të mundur shuarjen e flakëve.
