“Do shkoj deri në Gjykatën Evropiane”, Arben Malaj flet për VOA pas pezullimit nga Banka e Shqipërisë: Ajo që s'u bë për 7 muaj u bë sot për 7 sekonda

Publikuar tek: politike, më 07:31 06-12-2019 “Do shkoj deri në Gjykatën Evropiane”, Arben Malaj flet për VOA pas pezullimit nga Banka e Shqipërisë: Ajo që s'u bë për 7 muaj u bë sot për 7 sekonda Arben Malaj

Profesori i njohur i ekonomisë, Arben Malaj, tha se ka pritur prej 7 muajsh që të thirret sipas ligjit për t’u dëgjuar në komisionet parlamentare përkatëse pas kërkesës së një grupi deputetësh, që ai të largohet nga bordi mbikëqyrës i Bankës së Shqipërisë.

Zoti Malaj i bëri komente në një intervistë për “Zërin e Amerikës” mbrëmjen e të enjtes, pas lajmit se qeveria vendosi ta pezullojë nga detyra e anëtarit të këshillit mbikëqyrës së Bankës Qendrore.

“Pavarësia e anëtarit të Këshillit Mbikëqyrës mbrohet nga Kushtetuta e Republikës së Shqipërisë. Kam shërbyer me përkushtim, integritet dhe profesionalizëm në të gjithë institucionet dhe postet për dy dekada. Kam trajtuar publikisht problemet që ka qeverisja e vendit tim” – tha zoti Malaj.

Ai shtoi se rikthimi i emrit të tij ne temat e angazhimit të qeveritar bëhet për të tërhequr vëmendjen nga problemet e shumta që ka vendi me menaxhimin e dëmeve të tërmetit.

“Ata deputetë që më akuzojnë nuk kanë asnjë argument dhe unë do të shkoj deri në Gjykatën Evropiane për të mbrojtur të drejtat dhe pavarësinë e një anëtari të Këshillit Mbikëqyrës të Bankës Qendrore. Ajo që nuk u bë për 7 muaj u bë sot për 7 sekonda. I kam kërkuar parlamentit shqiptar të më dëgjojë dhe të mos trajtojë si të dënuar politik”, – tha zoti Malaj. /VOA

Sondazh

Article Logic
Execution time: 0.0074739456176758
array(1) { ["section"]=> string(153) "do-shkoj-deri-ne-gjykaten-evropiane-arben-malaj-flet-per-voa-pas-pezullimit-nga-banka-e-shqiperise-ajo-qe-s-u-be-per-7-muaj-u-be-sot-per-7-sekonda-188568" }