Droga në burgun e Drenovës, reagon Drejtoria e Burgjeve: Ja e vërteta

Publikuar tek: aktualitet, më 17:16 05-04-2017 Droga në burgun e Drenovës, reagon Drejtoria e Burgjeve: Ja e vërteta

Pas lajmit të publikuar sot në media se në Burgun e drenovës u gjetën të fshehura 12 gram drogë e dyshuar heroinë, çka çoi në pezullimin e 7 punonjësve dhe drejtorit të burgut, ka reaguar edhe Drejtoria e Përgjithshme e Burgjeve. Njoftimi:

Drejtoria e Përgjithshme e Burgjeve pas lajmit të publikuar sot në media rreth një sasie lënde narkotike të kapur në oborrin e IEVP Drenovë ju bën me dije se:

E vërteta e sasisë së kapur qëndron krejt ndryshe. Pas informacioneve të mbledhura në rrugë operative, strukturat e specializuara të Drejtorisë së Përgjithshme të Burgjeve në bashkpunim me Shërbimin e Kontrollit të Brëndshëm të Burgjeve, rreth orës 12 pas mesnatës së djeshme kanë ndërmarrë nje operacion blitz pranë kësaj IEVP. Nga kontrolli është konstatuar një sasi prej rreth 10-12 gram lënde narkotike e dyshuar heroinë e fshehur në tualetin e dhomës së takimeve me familjarët.

Menjëherë pas konstatimit të lëndës narkotike janë kryer veprimet e para proceduariale si dhe është njoftuar policia e Korçës si dhe prokuroria e rrethit.

Nga ana e Drejtorisë së Përgjithshme të Burgjeve u mor në mënyrë të menjëhershme masa e pezullimit të shefit të Policisë së IEVP Drenove si dhe e disa punonjësve të tjerë të policisë.

Ndërkohë vijojnë hetimet nga ana e strukturave të Drejtorisë së Përgjithshme të Burgjeve për rastin në fjalë si dhe për nxjerrjen e përgjegjësive.

Drejtoria e Përgjithshme e Burgjeve, duke falenderuar mediat për pasqyrimin e rastit, ju bën me dije se është në interesin dypalësh pasqyrimi i versionit zyrtar të vërtetë dhe jo i teorive të pavërteta.

Sondazh

Më shumë në këtë kategori: « Aksident i rëndë në Kavajë, furgoni përplaset me kamionin (Video)
10 kile kokainë dhe heroinë, arrestohen dy vëllezërit dhe një femër shqiptare »
Article Logic
Execution time: 0.011282920837402
array(1) { ["section"]=> string(73) "droga-ne-burgun-e-drenoves-reagon-drejtoria-e-burgjeve-ja-e-verteta-74207" }