Dy javë pa raste të reja me COVID-19, ky shtet europian shpall fundin e pandemisë

Publikuar tek: bota, më 08:51 15-05-2020 Dy javë pa raste të reja me COVID-19, ky shtet europian shpall fundin e pandemisë Foto ilustruese

Rastet e fundit të konfirmuara pozitive me COVID-19 kanë qenë para dy javësh, ndaj qeveria sllovene ka vendosur të shpallë fundin e pandemisë në vendin e saj.

Udhëtarët nga vendet e tjera të BE-së që mbërrijnë në Slloveni nuk do të duhet të qëndrojnë më në izolim, thuhet në mediat e huaja.

Sllovenia me një popullsi rreth 2 milionë banorë der më tani ka konfirmuar 1464 raste dhe 103 viktima, ndërsa ishte e rrezikuar për shkak të kufizimit të saj me Italinë.

Fundi i epidemisë do të thotë që disa masa, përfshirë ndihmën financiare për qytetarët dhe bizneset e goditura nga koronavirusi, do të skadojnë në fund të majit.

Qeveria tha se shtetasit e huaj që tregojnë shenja të infeksionit të koronavirusit ende nuk do të lejohen të hyjnë në vend.

Për shtetasit e vendeve jo anëtare të BE-së do të mbetet në fuqi karantinimi për 14 ditë, por duke përjashtuar diplomatët dhe njerëzit që merren me transportin e ngarkesave.

Por qeveria ka theksuar në njoftimin e saj se qytetarët duhet të ndjekin rregullat themelore për të parandaluar një përhapje të mundshme të infeksionit.

Sondazh

Më shumë në këtë kategori: « Rezultati vetëm për 20 sekonda, shkencëtari izraelit zbulon testin e shpejtë të COVID-19
»
Article Logic
Execution time: 0.013356924057007
array(1) { ["section"]=> string(87) "dy-jave-pa-raste-te-reja-me-covid-19-ky-shtet-europian-shpall-fundin-e-pandemise-206440" }