Dyshohet se favorizoi kanabisin, shpallet në kërkim ish-shefi i policisë së Kurbinit

Publikuar tek: aktualitet, më 11:47 01-03-2017 Dyshohet se favorizoi kanabisin, shpallet në kërkim ish-shefi i policisë së Kurbinit

Ish-shefi i policisë së Laçit, Ylli Vata është shpallur në kërkim pasi ndaj tij është caktuar masa e sigurisë “arrest me burg në mungesë” nga gjykata, për shkak se dyshohet se ka favorizuar kultivimin e kanabisit.

Vata ishte transferuar prej disa muajsh në komisariatin e Ersekës, por tashmë është zhdukur çka ka detyruar policinë ta shpallë atë në kërkim.

Sipas prokurorisë, ka prova të mjaftueshme që vërtetojnë favorizimin e kultivimit të kanabisit nga Ylli Vata, në zonën e Kurbinit.

Megjithatë, nuk ka ende një njoftim zyrtar nga policia për shkresën se ky institucion është vënë në ndjekje të ish-shefit të Kurbinit.

Njoftimi i plotë i Prokurorisë:

Me kërkesë të Prokurorisë për Krime të Rënda, gjykata ka caktuar masën e sigurisë “arrest në burg” për shtetasin Ylli Vata, me funksion Shef i Rendit në Komisariatin e Policisë Kurbin, në kuadër të një hetimi për veprat penale të “Kultivimit të lëndëve narkotike”, “Grupit të strukturuar kriminal” dhe “Kryerja e veprimeve në kuadër të grupit të strukturuar kriminal”. Vendimi i gjykatës ende nuk është zbatuar pasi i dyshuari nuk është paraqitur në punë që prej ditës kur ndaj tij është caktuar masa e sigurimit “arrest në burg”, në dt. 13.02.2017.

Në bazë të hetimeve të Prokurorisë për Krime të Rënda, ka rezultuar se oficeri i policisë Vata, duke qenë dhe epror direkt i specialistëve të policisë të zonave, ka ndikuar në moskryerjen e detyrës së tyre, si pjesë e zinxhirit kriminal dhe si bashkëpuntor në kultivimin dhe trafikimin e lëndëve narkotike.

Emri i Shefit të Rendit të Kurbinit rezultoi gjatë hetimit të nisur pak muaj më parë nga Prokuroria për Krime të Rënda, në bazë të të cilit, në Nëntor 2016 u arrestuan edhe 7 persona, njëri prej të cilëve efektiv policie.

Prokuroria për Krime të Rënda ka nisur hetimin në Korrik 2016, në bazë të materialeve të përcjella nga ana e Prokurorisë së Kurbinit. Nga hetimet e asaj prokurorie, rezultonte se disa persona të arrestuar në flagrancë, mund të ishin pjesë e një grupi të strukturuar kriminal. Për këtë arsye, Prokuroria për Krime të Rënda, si strukturë përgjegjëse për hetimin e grupeve kriminale, pranoi aktet e Prokurorisë së Kurbinit dhe zhvilloi hetimet e mëtejshme.

Në bazë të veprimeve proceduriale, Prokuroria për Krime të Rënda siguroi informacione të mjaftueshme, në bazë të të cilave grupi kriminal kishte bashkëpunimin e punonjësve të policisë, të cilët kishin për detyrë të njoftonte nëse zhvilloheshin operacione policore anti-kanabis në atë zonë. Për këtë arsye, Prokuroria angazhoi në hetim edhe Shërbimin për Çështje të Brendshme dhe Ankesa në Ministrinë e Brendshme.

Si rezultat i hetimeve të kryera, është provuar se shtetasi Lefter Neli ka organizuar dhe krijuar një mekanizëm, i cili bën të mundur dhe krijon të gjitha kushtet e përshtatshme për kultivimin e bimës narkotike në zonat e malësisë së Kurbinit. Po ashtu, nga hetimi rezulton se, për këtë aktivitet, ai ka marrë sigurinë se ajo nuk do të cënohet nga forcat e policisë së komisariatit të Kurbinit. Po sipas hetimit, grupi kishte të siguruar edhe tregtimit të lëndës narkotike pas procesit të përpunimit.

Pas arrestimit të disa personave, përfshirë edhe atë që konsiderohej kreu i grupit, Lefter Neli, Prokuroria për Krime të Rënda vijoi hetimin për identifikimin e bashkëpunëtorëve të mundshëm. Nga hetimi u konstatua se një sasi relativisht e madhe bimësh narkotike nuk është asgjësuar edhe pse grupi i kontrollit, i drejtuar nga Shefi i Rendit Ylli Vata, kishte qenë në këto vende dhe nuk ka kryer detyrën për asgjësimin e tyre. 

Në bazë të të dhënave të marra nga hetimi, Prokuroria për Krime të Rënda ka arritur në konkluzionin se shtetasi Lefter Nelaj dhe bashkëpuntorët e tij, bashkëpunonin ngushtësisht me drejtuesin e rendit në Komisariatin e Policisë Kurbin, me qëllim kryerjen e veprave penale për të cilat janë arrestuar.

Në këto kushte, Prokuroria për Krime të Rënda ka marrë miratimin e gjykatës për arrestimin e oficerit të policisë, Ylli Vata.

Sondazh

Më shumë në këtë kategori: « “29 armë zjarri, 4.478 fishekë, 82 granata” vijon dorëzimi vullnetar i armëve dhe municioneve në të gjithë vendin (Video)
Kioskat zaptojnë hapësirat publike, policia bashkiake injoron denoncimet e qytetarëve (FOTO) »
Article Logic
Execution time: 0.012384176254272
array(1) { ["section"]=> string(73) "dyshohet-se-favorizoi-kanabisin-shpallet-ne-kerkim-shefi-i-policise-70352" }