E konfirmon Vuçiç: Në Serbi do të ketë sërish zgjedhje, në 2022

Publikuar tek: rajon, më 21:59 20-10-2020 E konfirmon Vuçiç: Në Serbi do të ketë sërish zgjedhje, në 2022 Aleksandër Vuçiç

Qeveria e re e Serbisë do të ketë një mandat të kufizuar, jo më gjatë se deri më 3 prill të vitit 2022, kur do të mbahen zgjedhjet e reja parlamentare, së bashku me zgjedhjet e rregullta presidenciale, njoftoi presidenti i Serbisë, Aleksandar Vuçiç.

 

Përveç partisë së tij, në qeverinë e re do të përfshihet edhe ish-partneri i tij, Partia Socialiste e Serbisë e Ivica Daçiçit dhe Lidhja Patriotike Serbe e Aleksandar Shapiqit, e cila deri më tash ka qenë në opozitë.

Daçiç, ministër i deritashëm i Punëve të Jashtme, do të jetë kryetar i Kuvendit të Serbisë, njoftoi të martën Vuçiç.

Ai nuk i bëri publikë emrat e ministrave të ardhshëm, duke thënë se do ta bëjë këtë pas bisedimeve shtesë brenda partisë.

Lista përfundimtare e ministrave do të bëhet publike më 25 tetor, tha Vuçiç.

Ai tha se do të ketë disa ministri të reja, përfshirë Ministrinë e të Drejtave të Njeriut dhe Dialogun.

Detyra kryesore e qeverisë së re, siç tha Vuçiç, do të jetë ruajtja e shëndetit të qytetarëve dhe një sistem i fortë shëndetësor.

Detyra e dytë, shtoi ai, janë interesat e Serbisë në Kosovë.

REL

Sondazh

Më shumë në këtë kategori: « Tetë viktima dhe rritje të rasteve të reja, përkeqësohet gjendja në Greqi (SHIFRAT)
»
Article Logic
Execution time: 0.013427019119263
array(1) { ["section"]=> string(68) "e-konfirmon-vucic-ne-serbi-do-te-kete-serish-zgjedhje-ne-2022-224500" }