E moshuara Naferit Tafani nga Belshi tregon çastet e tmerrit të përballjes me hajdutin.
Ajo ka dëgjuar zhurmat dhe ka parë një dritë në vilën ngjitur të djalit. Ajo ka menduar se është kthyer bashkëshorti në shtëpi. “Isha në oborr dhe pashë që në shtëpinë tjetër kishte zhurma dhe një dritë. Mendova se mos është bashkëshorti im. U afrova, por ai më kërcënoi, do të vras po fole. Pastaj më shtyu nga shkallët dhe unë rashë. Kaq mbaj mend”.
Një nga komshinjtë ka dëgjuar zhurma dhe i ka tërhequr vëmendjen ky moment.
Ata kanë dalë por hajduti ka mundur të largohet i ndihmuar nga një person tjetër me motor. 70 vjeçarja është dërguar menjëherë në spitalin kirurgjik të Elbasanit dhe ndodhet nën kujdesin e mjekëve. Policia dhe një grup hetimor kanë shkuar në vendin e ngjarjes dhe kanë kryer veprimet përkatëse, shkruan infoelbasani.
Nga verifikimet e kryera rezulton se hajduti ka marrë 2 milion lekë të vjetra që ndodheshin në sirtar.
