‘E njeh mirë se e ke pasur drejtoreshë’, Auron Taren përplaset me Fahri Balliun për Nexhmije Hoxhën. S’ja përton gazetari: Ti ke ngrënë akulloret e saj dhe të Enverit (E PLOTË)

Publikuar tek: aktualitet, më 00:52 27-02-2020 ‘E njeh mirë se e ke pasur drejtoreshë’, Auron Taren përplaset me Fahri Balliun për Nexhmije Hoxhën. S’ja përton gazetari: Ti ke ngrënë akulloret e saj dhe të Enverit (E PLOTË) FotoMontazh: Auron Tare - Fahri Balliu

Ndarja nga jeta sot e Nexhmije Hoxhës, gruas së ish-diktatorit Enver Hoxha, ka shkaktuar debat mes Auron Tares dhe gazetarit Fahri Balliu, në emisionin Opinion.

Deklarata e Auron Tares se pas vdekjes së Enver Hoxhës, elita komuniste solli në pushtet skalionin e dytë komunist, duke përmendur këtu edhe emrin e botuesit Fahri Balliu, për të cilin tha se Nexhmijen e ka patur drejtoreshë dhe e njihte, nuk i pëlqeu këtij të fundit.

Balliu reagoi menjëherë duke mohuar këto pretendime, ndërsa i përmendi Auron Tares një takim që ka patur në zyrë me një shqiptaro-amerikane, dhe që kjo e fundit i theu fotografinë e Enver Hoxhës që ai e mbante të varur në mur.

Auron Tare: Si Nexhmija si ata të tjerët, pra grupi që ishte pas vdekjes së Enverit, sigurisht me parjen çfarë ndodhi në Rumani me Çausheskun, morën masa për të sjellë në pushtetin e rrëzuar, skalionin e dytë komunist. Dhe po të shikosh, të gjithë ata që drejtuan në përgjithësi lëvizjen të quajtur demokratike pas ’91, vinin nga skalioni i dytë i komunizmit. Për shembull, dhe z.Balliu këtu e njeh mirë Nexhmijen se e ka pasur drejtoreshë. Zëri i Popullit ka qenë pjesa e …

Fahri Balliu: Unë s’e kam pasur asnjëherë drejtoreshë. Gazetarët e kulturës janë gazetarë të kulturës dhe s’kishin lidhje me atë. Por ti mund të kujtosh fare mirë kur kishe zyrën në Sarandë dhe të erdhi ajo shoqja shqiptaro-amerikane dhe të gjeti në zyrë portretin e Enver Hoxhës dhe ta theu, se ti e kishe me xham. Dhe ti u mërzite. Ke dhe babanë që mban arkivolin e Enver Hoxhës, kur po del nga jashtë i veshur me uniformë. Tani po të duash ke dhe të tjera. Kështu që ajo nuk ka lidhje me këtë që thua ti. Librin kundër Nexhmijes e kam shkruar unë. Ato akulloret e Nexhmijes dhe të Enverit i ke ngrënë ti dhe vazhdon ti hash në atë parti që je.

Sondazh

Article Logic
Execution time: 0.0089809894561768
array(1) { ["section"]=> string(176) "e-njeh-mire-se-e-ke-pasur-drejtoreshe-auron-taren-perplaset-me-fahri-balliun-per-nexhmije-hoxhen-s-ja-perton-gazetari-ti-ke-ngrene-akulloret-e-saj-dhe-te-enverit-e-plote-196585" }