E TRISHTË/ Zgjohet nga koma, por kupton se ka humbur të gjithë familjen nga koronavirusi

Publikuar tek: bota, më 13:28 08-08-2020 E TRISHTË/ Zgjohet nga koma, por kupton se ka humbur të gjithë familjen nga koronavirusi Ilustruese

Kaloi javë të tëra në terapi intensive dhe më në fund e mposhti koronavirusin. Por kur u zgjua zbuloi se ishte i vetmi nga familja e tij që i kishte mbijetuar Covid-19. Kjo është historia e trishtë e një 43 vjeçari nga Edinburgu, të quajtur Scott Miller.

Nëna dhe bashkëjetuesi i saj, në fakt kishin ndërruar jetë ndërsa ai ishte ende në koma. Në një intervistë për BBC, burri tha se nuk duhet ta humbasësh kurrë kujdesin ndaj këtij virusi të pabesë.

Nëna e Scott, Norma ishte 76 vjeç dhe vdiq në të njëjtin spital ku ishte shtruar i biri.

“Kur unë isha në terapi intensive duke luftuar për jetën, nëna ime ishte në repartin e katit të poshtëm dhe po dilte nga spitali”, tregon 43-vjeçari. E njëjta gjë dhe për bashkëjetuesin e Normës, që jetonte në të njëjtën shtëpi me Scott, i cili ndërroi jetë në moshën 69 vjeçare pasi kishte rënë në kontakt me virusin.

Gjithçka nisi më 21 mars kur Norma rezultoi e infektuar me koronavirus. Një javë më pas ishte radha e Scott. Sharlene Miller, kunata e 43-vjeçarit shprehet se mjekët i kishin thënë që ai nuk do të mund të jetonte.

“Nuk besoj se do ta përballonim dhe humbjen e Scott. Mbaj mend euforinë që na përfshiu në momentin kur i folëm dhe doli nga koma”, tregon gruaja.

Scott tashmë është shëruar dhe ndodhet në gjendje të mirë shëndetësore, por e ka ende të vështirë për të pranuar realitetin. “Kur u zgjova ndjeva një ndjenjë të çuditshme, sikur diçka i kishte ndodhur nënës time. Kur infermieri më tregoi për situatën u shokova. Ishte shumë e vështirë. Është e pabesueshme që ky virus i mori jetën dy njerëzve të mi të dashur”, shprehet me lot në sy 43 vjeçari.

Sondazh

Article Logic
Execution time: 0.0079801082611084
array(1) { ["section"]=> string(93) "e-trishte-zgjohet-nga-koma-por-kupton-se-ka-humbur-te-gjithe-familjen-nga-koronavirusi-216487" }