Ekstradohet nga Greqia 55 vjeçari, në 1997 vrau dy persona në tentative për t’i grabitur

Publikuar tek: aktualitet, më 18:04 11-03-2017 Ekstradohet nga Greqia 55 vjeçari, në 1997 vrau dy persona në tentative për t’i grabitur

Nga Specialistët e Interpol Tirana është kryer sot ekstradimi nga Athina, Greqi drejt vendit tonë, i shtetasit Karafil Beqiri, 55 vjeç, lindur në Tepelenë.

Karafil Beqiri ishte i shpallur në kërkim ndërkombëtar pasi Gjykata e  Gjirokastrës e ka dënuar me 20 vjet burgim për veprat penale “Vjedhje me armë me pasojë vdekjen, e kryer në bashkëpunim“ dhe “Mbajtje pa leje e armëve luftarake”.

Përmbledhje e ngjarjes së ndodhur:

Në datë 06 korrik 1997 shtetasit, V.A., F. P dhe K. P,  po udhëtonin me automjetin e shtetasit V.Xh, në drejtim të Greqisë.

Shtetasi F.P,  kishte me vete një shumë prej 700 000 dhrahmi të cilat do ti çonte në Greqi.

Në vendin e quajtur “Zaje”, në afërsi të Gjirokastrës, automjetit në të cilin udhëtonin shtetasit e mësipërm i kanë dalë përpara me qëllim për ta grabitur, shtetasit Karafil Beqiri, N. Gj., L.M,  A. B dhe E.K.

Fillimisht këta shtetas të cilët kanë qenë edhe të armatosur me armë zjarri, kanë qëlluar në ajër me qëllim që automjeti i shtetasit V. Xh të ndalonte, por ky i fundit ka nxjerrë armën automatike kallshnikov që e mbante me vete dhe ka filluar të qëllojë në drejtim të shtetasve që kishin dalë për ta grabitur.

Si pasojë e shkëmbimit të zjarrit kanë mbetur të vrarë shtetasit V. Xhavara dhe F. Piperi.

Si rezultat i bashkëpunimit të Interpol Tirana me Interpol Athina, u bë i mundur arrestimi i shtetasit Karafil BEQIRI në Greqi, duke u finalizuar me ekstradimin e tij drejt vendit tonë.

Sondazh

Më shumë në këtë kategori: « Artan Fuga paralajmëron Henri Çilin: Provo që kam fituar 500 mijë euro ose do merresh me avokatin tim
Kjo është fushata e fundit që Policia ndërmerr me Saimir Tahirin ministër »
Article Logic
Execution time: 0.011216163635254
array(1) { ["section"]=> string(93) "ekstradohet-nga-greqia-55-vjecari-ne-1997-vrau-dy-persona-ne-tentative-per-t-i-grabitur-71568" }