Fibrat-optike nëntokësore, ALBtelecon ofron infrastrukturën e saj për operatorët e tjerë

Publikuar tek: aktualitet, më 20:29 27-10-2015 Fibrat-optike nëntokësore, ALBtelecon ofron infrastrukturën e saj për operatorët e tjerë

ALBtelecom, operatori i vetëm i telekomunikacionit në vend, i cili ka bërë dhjetëra miliona Euro investime për të ndërtuar dhe rehabilituar infrastrukturën e saj nëntokësore në të gjitha qytetet e mëdha (rreth 75 për zonat urbane) në vend, ka filluar ta ofrojë këtë infrastrukturë për përdorimin e operatorëve të tjerë të shërbimeve të komunikimeve e elektronike.

Ky vendim i ALBtelecom do të zbatohet në mbështetje të nismës së qeverisë shqiptare për të pastruar qytetet nga kabllot ajrore, të cilat janë instaluar nga operatorë të ndryshëm jashtë standardeve teknike dhe kërkesave të miratuara nga AKEP. Kjo nismë është zbatuar nga AKEP, OSHEE dhe komunat në vend, por ALBtelecom konsideron se kontributi në këtë fushë do të jetë shumë e rëndësishme, jo vetëm për pjesën vizuale të këtyre kabllove, por edhe përmirësimin e cilësisë së shërbimeve për qytetarët dhe sidomos për të shmangur incidente të cilat në disa raste mund të rrezikojnë jetën e qytetarëve.

Në fakt, ALBtelecom ka nënshkruar ose është në proces nënshkrimi të kontratave me disa operatorë për të përdorur kabllot e saj nëntokësorë, duke krijuar mundësi për operatorët e tjerë që të heqin kabllot ajrore të cilat janë në kundërshtim me kërkesat e miratuara dhe standardet.

Kryeqyteti është zona kryesore në të cilën ALBtelecom është duke bërë një punë gjigante për shkak të gjerësisë së infrastrukturës së rrjetit të telekomunikacionit, numri i madh i operatorëve dhe problemet me kabllo ajrore që ende ekzistojnë në Tiranë.

Tani të gjithë operatorët e telefonisë dhe internetit fikse të kenë mundësi të përdorin rrjetin modern të ALBtelecom, me çmime shumë të favorshme. Rrjeti i ALBtelecom ka të gjitha standardet e nevojshme të telekomunikacionit dhe kjo është në përputhje të plotë të rregulloreve të miratuara nga AKEP.

Pas rehabilitimit të zonave në Tiranë, kjo filozofi dhe aksion i ALBtelecom do të vazhdojë në qytete të ndryshme të Shqipërisë. Qyteti i dytë ku kompania synon të ofrojë rrjetit të vet për përdorim është Durrësi, më pas ALBtelecom do të vazhdojë me qytetet e tjera të mëdha në vend.

Ndërkohë, ALBtelecom ka mbështetur me punë intensive një nismë e Bashkisë së Tiranës: riparimin e pusetave në rrugët kryesore, të cilat janë dëmtuar për shkak të rindërtimit të rrugëve, si dhe kalimit të automjeteve të tonazhit të lartë. Kompania monitoron dhe rinovon në kohë reale kapanxhat mbuluese të infrastrukturës, duke i kushtuar një vëmendje të veçantë sigurisë së jetës së qytetarëve, si dhe rrjedhës normale dhe të qetë të trafikut. Pjesë e këtij rindërtimi janë edhe puset tjera të përbashkëta që janë instaluar në trotuaret e kryeqytetit. Ato janë niveluar me asfaltin apo trotuaret, ose janë zëvendësuar kapakët e zhdukur për shkak të vjedhjes, në mënyrë që kalimi i automjeteve apo këmbësorëve të jetë i sigurt.

Sondazh

Më shumë në këtë kategori: « Kallëzohet penalisht Kryepeshkopi Anastas Janullatos, ja akuzat
Kontrabanda, burg deri në shtatë vjet »
Article Logic
Execution time: 0.012892007827759
array(1) { ["section"]=> string(93) "fibrat-optike-nentokesore-albtelecon-ofron-infrastrukturen-e-saj-per-operatoret-e-tjere-24096" }