Fieri nuk gjen paqe, në pak ditë dy VIKTIMA e grabitje në seri! Ç’po ndodh në këtë qytet

Publikuar tek: aktualitet, më 08:46 23-03-2018 Fieri nuk gjen paqe, në pak ditë dy VIKTIMA e grabitje në seri! Ç’po ndodh në këtë qytet Foto ilustruese

Fieri nuk po gjen dot paqe. Ngjarjet kriminale kanë përfshirë këtë qytet, që në vetëm pak ditë është kthyer tejet problematik.

Ditën e sotme, në orën 3:00 të mëngjesit, policia u përplas me armë zjarri me katër grabitës të cilët tentuan të vidhnin banesën e Minella Muçës në lagjen “29 nëntori” e për pasojë mbeti i vdekur në vend një nga grabitësit e u plagos një tjetër, ende të paindentifikuar, shkruan newsbomb.al..

Dy grabitësit e tjerë ia mbathën duke përfituar nga errësira ndërsa policia e shtetit është ngritur e gjitha në këmbë.

(Grabitja e sotme- Foto nga vendi i ngjarjes)

fier2_copy_copy.jpg

Por vetëm pak ditë më parë, më datë 2 mars 2018, Fieri u trondit sërish nga një grabitje e armatosur në një pikë këmbimi valutor ku për pasojë mbeti i vdekur Agur Vrenozi, një kalimtar i pafaj i cili hyri brenda për të shpëtuar pronarin e exchange (edhe ky i plagosur) dhe u përlesh me grabitësit.

(Foto nga grabitja e disa ditëve më parë ku mbeti i vdekur Agur Vrenozi)

bana.jpg

Sërish përplasje me armë mes policisë e autorëve

Jo më larg se dy ditë më parë, më datë 21 mars 2018 sërish pati një përplasje mes policisë e disa personave. Në fshatin Baltëz të Fierit, dy persona hapën zjarr në drejtim të efektivëve të policisë.

Sipas informacioneve banorët e zonës njoftuan policinë se në afërsi të varrezave të fshatit kishin dëgjuar të shtëna armësh. Efektivët e policisë janë nisur drejt vendndodhjes dhe kanë zbuluar dy persona të cilët po bënin qitje me armë.

Pasi dy fierakët me iniciale H.M dhe K.M, kanë vënë re praninë e forcave policore, kanë qëlluar edhe në drejtim të tyre duke u larguar nga vendngjarja.

Policia është vënë në ndjekje të autorëve për më shumë se 48 orësh rresht por pa rezultat.

Vjedhje të tjera në seri referuar njoftimeve të policisë/ 12 mars 2018:

Fier-Lushnje-Divjakë.

Kapen në flagrancë duke vjedhur gjatë natës, policia arreston në flagrancë autorët.

Specialistët për Hetimin e Krimeve në Komisariatin e Policisë Fier, ndaluan shtetasit:

-Ervin Besholli, 22 vjeç, banues në Fier.

-Aldo Hoxhaj, 22 vjeç, banues në Patos.

Ndalimi i këtyre shtetasve u bë pasi në vendin e quajtur “Vija e ngjalës”, janë kapur duke transportuar me mjetin tip “Lancia" 9 zgara metalike për puseta rruge.

Nga kryerja e veprimeve hetimore rezultoi se këto zgara janë vjedhur në rrugë në lagjen “Kastriot” Fier.

Lushnje

Specialistët për Hetimin e Krimeve në Komisariatin e Policisë Lushnje arrestuan shtetasin:

-Qemal Alla, 40 vjeç, banues në Ardenicë, Lushnje.

Arrestimi i këtij shtetasi u bë pasi gjatë natës, është kapur në flagrancë duke vjedhur disa vegla pune në makazinën e shtetasit A.A, banues në Ardenicë, Lushnje.

Divjakë

Specialistët për Hetimin e Krimeve në Komisariatin e Policisë Divjakë, arrestuan shtetasin:

-I.M, 17 vjeç, banues në Gramsh.

Arrestimi i këtij shtetasi u bë pasi është kapur në flagrancë duke vjedhur biçikletën e shtetasit A.C, banues në Divjakë.

Nga hetimet e kryera rezultoi se shtetasi I.M është autori i dyshuar i vjedhjes së motoçikletës tip "Honda" në pronësi të shtetasit P.A, banues në Divjakë, ngjarje e ndodhur në datë 15.03.2018.

Sondazh

Më shumë në këtë kategori: « SKANDAL/ Pezullohet konskursi i miss-it, akuza për favore seksuale
Aksident i rëndë në TIRANË, dy makina përplasen me një motor te UNAZA e MADHE, i riu dergjet shtrirë në rrugë »
Article Logic
Execution time: 0.012468099594116
array(1) { ["section"]=> string(93) "fieri-nuk-gjen-paqe-ne-pak-dite-dy-viktima-e-grabitje-ne-seri-c-po-ndodh-ne-kete-qytet-114224" }