Fluks hyrje-daljesh për festat, Departamenti për Kufirin e Migracionin zbardh SHIFRAT dhe merr masa shtesë

Publikuar tek: aktualitet, më 14:24 31-12-2017 Fluks hyrje-daljesh për festat, Departamenti për Kufirin e Migracionin zbardh SHIFRAT dhe merr masa shtesë

Departamenti për Kufirin dhe Migracionin bën me dije se në  të gjitha Pikat e Kalimit Kufitar, Strukturat e Departamentit për Kufirin dhe Migracionin në kuadër të festave të fundvitit  janë angazhuar maksimalisht për të përballuar fluksin e hyrje -daljeve, duke marrë një sërë masash shtesë.

Në këtë kuadër janë marrë masa  në burime njerëzore ashtu edhe në insfrastrukturë, ku  janë shtuar sportelet në hyrje  dhe në dalje, me qëllim , krijimin e lehtësirave ligjore duke eleminuar radhët e gjata , si dhe për tu ofruar një shërbim cilësor, të kulturuar e në kohë të gjithë shtetasëve shqiptarë e të huaj që qarkullojnë nëpëmjet këtyre pikave të kalimit kufitar.

Zyrtarët blu bëjnë me dije se, është marrë kontakt dhe është dakortësuar që edhe homologët të shtojnë burimet njerëzore dhe sportelet me qëllim që lëvizja të jetë e njëtrajshme, duke eleminuar radhët e gjata.

“Prej datës 24.12.2017 deri më datën 31.12.2017   nga të gjitha pikat e kalimit kufitar ka patur fluks të shtuar  në hyrje dhe lëvizje normale në dalje konkretisht:

Kanë hyrë  241 546 shtetas shqiptarë dhe të huaj,  si dhe  67 971 mjete.

Kanë dalë 185 460 shtetas shqiptarë dhe të huaj, si dhe 56 257 mjete.

Gjithashtu, po gjatë kësaj periudhe  kanë hyrë në vendin tonë edhe 23 981   turistë të huaj  nga vende të ndryshme, të organizuar në grupe dhe shoqata , me destinacione të ndryshme në vendin tonë.

Deparatamenti për Kufirin dhe Migracionin ka marrë një sërë masash edhe në drejtim të performancës së punonjësve të Policisë Kufitare, me qëllim që punonjësit e Policisë tju shërbejnë me kulturë dhe në kohë reale qytetarëve që  qarkullojnë në të dyja anët e kufirit.

Në dispozicion të qytetarëve janë vendosur dhe afishuar numrat pa pagesë 112, 129 dhe 0800 90 90 për të denoncuar çdo rast abuzimi me detyrën nga ana e punonjësve të policisë.

Po në kuadër të masave, Policia Kufitare ka shtuar prezencën policore edhe në patrullim në kufirin e jeshil dhe atë blu, me qëllim parandalimin, evidentimin dhe goditjen e çdo veprimatrie kriminale që mund të tentohet të kryhet nëpërmjet kufirit jeshil apo atij blu.

Po bashkëpunohet  dhe po shkëmbehet informacion në kohë reale me homologët Italianë, Grekë, Maqedonas, Malazezë e të Kosovës, për të parandaluar dhe goditur në kohë çdo tentative për trafiqe të paligjshme, apo për  çdo veprimtari kriminale që mund të shfaqet duke përfituar edhe nga flkuksi.

Gjatë mbrëmjes së djeshme si rezultat i bashkëpunimit mjaft efikas të Policisë Kufitare me Policinë Italiane është finalizuar një tjetër operacion ndërkombëtar antidrogë.

Policia Kufitare duke ju uruar Gëzuar Vitin e Ri 2018, mirësi e begati në familjet tuaja, siguron se shërbimi i Policisë Kufitare do jetë akoma më cilësor gjatë vitit që presim”, përfundon njoftimin Departamenti për Kufirin e Migracionin.

Sondazh

Article Logic
Execution time: 0.031548976898193
array(1) { ["section"]=> string(112) "fluks-hyrje-daljesh-per-festat-departamenti-per-kufirin-e-migracionin-zbardh-shifrat-dhe-merr-masa-shtese-105026" }