Fluksi i udhëtarëve, Policia Kufitare e Rinasit: Do ndërmarrim masa për përballimin e situatës

Publikuar tek: aktualitet, më 15:48 31-12-2019 Fluksi i udhëtarëve, Policia Kufitare e Rinasit: Do ndërmarrim masa për përballimin e situatës Policia kufitare e Rinasit

Policia Kufitare në Rinas ka bërë me dije se ka ndërmarrë masa në ditën e fundit të vitit për të përballuar fluksin e automjeteve dhe për goditjen e paligjshmërisë.

Me anë të një njoftimi zyrtar, Policia Kufitare e Rinasit ka bërë me dije se prej datës datës 23 dhjetor e deri ditën e sotme kanë hyrë nëpërmjet aeroportit të Rinasit mbi 55 mijë qytetarë.

Ndër të tjera në njoftim nënvijëzohet se si rezultat i kontrolleve nga ana e policisë, janë evidentuar 13 raste me dokumente të falsifikuara, si pasaporta, karta identiteti, viza të vendeve të BE-së dhe personat që kanë tentuar ta kalojnë kufirin me këto dokumente janë proceduar penalisht

Njoftimi i plotë:

Rinas

Policia Kufitare e Rinasit, masa për përballimin e fluksit në hyrje dhe për parandalimin dhe goditjen e paligjshmërisë.

Gjatë javës së fundit, në hyrje të Republikës së Shqipërisë nëpërmjet aeroportit të Rinasit, ka pasur një fluks të shtuar të qytetarëve.

Prej datës 23 dhjetor e deri sot kanë hyrë nëpërmjet aeroportit të Rinasit mbi 55 mijë qytetarë.

Në kuadër të marrjes së masave për përballimin dhe menaxhimin e fluksit gjatë festave, nga ana e Komisariatit Rinas, në zbatim të planit të masave të DPPSH, janë shtuar dhe masat e sigurisë, duke rritur dhe numrin e kontrolleve në vijën e dytë, si në hyrje ashtu dhe në dalje.

Javën e fundit, si rezultat i këtyre kontrolleve janë evidentuar 13 raste me dokumente të falsifikuara, si pasaporta, karta identiteti, viza të vendeve të BE-së dhe personat që kanë tentuar ta kalojnë kufirin me këto dokumente janë proceduar penalisht për "Falsifikimin të dokumenteve" dhe për "Kalim të paligjshëm të kufirit".

Policia Kufitare ka marrë masa për përballimin e fluksit edhe në dalje, në ditët e para të vitit të ri, si dhe për një kontroll sa më efikas në drejtim të parandalimit dhe goditjes së paligjshmërisë.

Sondazh

Më shumë në këtë kategori: « 'Viti i rekordeve të zeza', ish kryeministri Berisha video-mesazh për shqiptarët: Të ngrihemi dhe të mposhtim këtë regjim
Atentati ndaj Fatos Tushes, merret në pyetje stafi i Bashkisë Lushnje »
Article Logic
Execution time: 0.011622190475464
array(1) { ["section"]=> string(99) "fluksi-i-udhetareve-policia-kufitare-e-rinasit-do-ndermarrim-masa-per-perballimin-e-situates-190831" }