“Fshehin” bizhuteri floriri dhe diamante në portin e Durrësit, arrestohen dy persona nga Italia

Ata nuk kanë deklaruar në kufi sende me vlerë, ora dhe bizhuteri të markave dhe llojeve të ndryshme. Më pas policia i ka sekuestruar të gjitha bizhuteritë që kapin një vlerë të konsiderueshme parash

Specialistët e Sektorit për Hetimin e Krimeve në Drejtorinë Rajonale për Kufirin dhe Migracionin Durrës filluan proçedimin penal në ngarkim të shtetasve:

• F. D.  34 vjeçe,  banuese në Palermo, Itali;

• P. C. 39 vjeç,   banues në Bisceglie, Itali.

Më datë 26.05.2017, gjatë kontrollit të ushtruar në P.K.K. Durrës u gjëtën dhe sekuestruan në cilësinë e provave materiale një sasi e konsiderueshme  mallrash me vlerë,  si:

• ora të markave të ndryshme;

•  varëse me ngjyrë floriri, me gurë si ato te diamantit;

•  byrzylyk me ngjyrë si ato të floririt;

• unaza  me gurë si ato të diamantit;

• vathë me ngjyrë si ato të floririt  si dhe me ngjyrë të bardhë dhe me gurë si ato të diamantit.

Sendet e sekuestruara, shtetasit e proceduar, nuk i kishte deklaruar në doganë.