Furnizonin Athinën dhe Mikonosin me drogë, goditet banda kriminale, arrestohet shefi shqiptar (VIDEO)

Publikuar tek: rajon, më 21:16 02-09-2020 Furnizonin Athinën dhe Mikonosin me drogë, goditet banda kriminale, arrestohet shefi shqiptar (VIDEO) Pamje nga shtëpia e kanabisit

Një grup trafikantësh që merrej me furnizimin me drogë të Athinës dhe Mikonos në Greqi, u godit nga policia vendase, duke çuar në pranga katër shqiptarë dhe një grek.

Organizata ishte aktive në kultivimin dhe prodhimin e fidanëve të kanabisit, si dhe në trafikimin e kokainës në zonat e kryeqytetit grek dhe ishullit të famshëm të Mikonosit.

Bastisja ndodhi dje në një shtëpi në zonën e Keratea, të cilën grupi e kishte kthyer në një laborator të kultivimit të kanabisit.

Prokuroria kishte monitoruar grupin përreth një muaj dhe sipas verifikimeve të kryera, doli se drejtuesi i organizatës është një 37-vjeçar shqiptar, ndërsa greku kishte rolin e transportuesit.

Në shtëpinë ku mbillej kanabisi, qëndronin gjithmonë dy persona që nuk dilnin pa urdhrin e udhëheqësit.

Në kontrollet e kryera në shtëpi, gjithsej u gjetën dhe konfiskuan:

– 200 fidanë kanabis

-945 gram përbërje kimike të panjohur,

-makina dhe motorë

-10 telefona celularë,

-peshore elektronike me precizion,

-1,540 euro,

-gëzhojë dhe thikë 9 mm,

-3 forma metalike të improvizuara,

-pajisje ventilimi etj.

Kapaciteti i plantacioneve dhe sasitë e pritshme të kanabisit, përmes metodës së kultivimit hidroponik, do t’u sillte shuma parash nga 180,000 deri 300,000 euro.

Të arrestuarit u dërguan pranë Prokurorit Publik të Athinës.

Sondazh

Më shumë në këtë kategori: « Takimi në SHBA, O’Brien: Nga diskutimet në Shtëpinë e Bardhë përfitojnë Kosova dhe Serbia
Gazetari Baton Haxhiu humb njeriun më të shtrenjtë »
Article Logic
Execution time: 0.011823892593384
array(1) { ["section"]=> string(104) "furnizonin-athinen-dhe-mikonosin-me-droge-goditet-banda-kriminale-arrestohet-shefi-shqiptar-video-219055" }