Gjebrea përlotet para studentëve kur kujton episodin e vështirë në Itali

Publikuar tek: aktualitet, më 23:27 17-01-2017 Gjebrea përlotet para studentëve kur kujton episodin e vështirë në Itali

Artistët nuk qajnë vetëm në skenë. Ata mund të përloten dhe në një auditor nga një pyetje që i kujton kohët e tyre të vështira.

Kjo ndodhi të martën me moderatorin dhe kantautorin e njohur Ardit Gjebrea gjatë një bisede me studentë të UET-it.

I pyetur nga një studente se cili ishte momenti kur ishte rrëzuar dhe më pas kishte gjetur forcën për t’u ringritur, Gjebrea kujtoi momentet e vështira të emigrimit në Itali, vitet ‘92-’93, shkruan Mapo.

“Ishte 31 dhjetor dhe unë me gruan dhe djalin që ishte vetëm 2 vjeç kishim gjithsej vetëm 30 mijë lireta, që janë pak a shumë 30 mijë lekë të vjetra. Ne duhet të festonim Vitin e Ri dhe të vazhdonim jetën me aq para. Nuk kishim asgjë për të ngrënë. E kishim traditë në familjen tonë, unë kisha marë gjithmonë një dhuratë… (përlotet)… dhe unë vajta i bleva djalit tim një makinë të vogël, 5 mijë lireta… Ishte një moment shumë i vështirë, por ka kaluar. Ndaj djali im është forca ime që më frymëzon gjithmonë”.

Pas këtij rrëfimi Gjebrea u dha një mesazh të rinjve studentë në sallë: që duhet të jenë mirënjohës për sakrificat e prindërve të tyre dhe t’ua shpërblejnë.

Sondazh

Më shumë në këtë kategori: « Ceremoni përkujtimore për Skënderbeun në Hungari, marrin pjesë bashkatdhetarë shqiptarë
Afatet e reja dhe kushtet për rinovimin e patentës, ja 7 kategoritë që janë shtuar »
Article Logic
Execution time: 0.01085901260376
array(1) { ["section"]=> string(78) "gjebrea-perlotet-para-studenteve-kur-kujton-episodin-e-veshtire-ne-itali-65839" }