Gjiknuri: I kemi bërë shumë lëshime opozitës, teknologjia 100% është pika ku ndahemi, sistemi danez dhe ligji i referendumeve do diskutohet në fazën e dytë

Publikuar tek: politike, më 21:35 30-05-2020 Gjiknuri: I kemi bërë shumë lëshime opozitës, teknologjia 100% është pika ku ndahemi, sistemi danez dhe ligji i referendumeve do diskutohet në fazën e dytë Damian Gjiknuri

Bashkëanëtari i tryezës së Këshillit Politik, për reformën zgjedhore, Damian Gjiknuri, pas përfundimit të mbledhjes tha se deri më tani ka pasur arritje me konsensus për disa pika, ndërkohë që palët ndahen përsa i përket aplikimit 100% të teknologjisë në zgjedhje, dhe reformimit të administratës zgjedhore.

Gjiknuri tha se duke qenë se aplikimi 100% i teknologjisë kërkon kohë, i ka bërë propozim PD-së për aplikim më shumë se 10% (rekomandimi i ODIHR). Ai tha se maxhoranca ka bërë shumë lëshime, dhe ka rënë dakord me shumë propozime të PD-së, siç janë mbikqyrja e qendrave të votimit me kamera dhe mundësia për të rihapur kutitë nëse ka raportime për parregullsi.

"Së pari, sot trajtuam çështjen si prezantimi i aplikimit të sistemit të mundshëm elektoral, nisur nga ai danez, dhe nga diskutimi që u bë u ra dakord që çështja e sistemit të trajtohet në fazën e dytë të reformës zgjedhore. Pasi ky Këshill Politik, të mbarojë, pas miratimit të paketës ligjore, pika e parë e fazës së dytë, do jetë trajtimi i sistemit danez. Faza e dytë do ketë dhe ligjin për referendumet. Kalojmë te faza e parë. Pikat që na mbajnë të ndarë janë përfshirja 100% e teknologjisë, dhe reformini i administratës zgjedhore. Përsa i përket teknologjisë, vullneti ynë ishte i qartë, që të aplikohet identifikimi biometrik, por përtej dëshirës, se dëshira ekziston, ju drejtuam ODIHR-it, të cilët na thanë se sistemin elektronik duhet të aplikojmë pak nga pak, në masën 10%, ne tashmë kemim ofruar më shumë se 10%, ti zgjedhë PD zonat. Ok jemi të gatshëm 100%, hajde t'i drejt ODIHR-it, të na japin përgjigje pozitive dhe e bëjmë. Nga kjo pikëpamje, kjo përbën çështje të pazgjidhur. Dëshira është e madhe. Së dyti, edhe administrata jo politike që do të ketë sy politik, pra do ketë garanci, mund të jetë e pranueshme. Kemi ofruar hapjen e kutive. Këtë se ka bërë asnjë opozitë. Ne nuk na u dha mundësia 2009-2010 për vetëm një qark që të hapeshin kutitë. Ne po ua ofrojmë këtë mundësi në të gjithë Shqipërinë. Kush është ai i çcmendur që do mbushë kutitë kur e di që do hapen. Kjo është një transparencë që se ka pasur asnjë opoz. Përfshirja e monitorimit të qendrave të votimit me kamera. Nëse ka raportime për shkelje, merret kamera dhe shihet, provohet akuza. Dhe kjo është një garanci. Kemi vënë shumë garanci tjera. Që të mos ketë prezenca rreth qendrave të votimit, vetëm përfaqësues dhe media. Kemi pranuar çështjen e financimit. Kemi garantuar depolitizim të administratës. Katër muaj para zgjedhjeve partitë nuk mund të bëjnë propagandë politike. Tani mbetemi vetëm te administrata zgjedhore dhe teknplogjia".

Pyetje: Si mund të vendosni kamera në të gjitha qendrat e votimit dhe nuk bëni dot identifikimin biometrik?

Gjiknuri: Kjo nuk është e njeta gjë, nuk është një celular dhe e përdor ti. Është një angazhim shumë më kompleks. Qeveria mbështet Komisionin e Zgjedhjeve që ta nisë këtë proces. Duhet të testohet si fillim, nuk është një proces kaq i thjeshtë sa të bëhet sot për nesër. Unë dua që këto të mos jenë sebepe për të "hedhur në erë" këtë reformë. Nuk mund të mbahemi peng, se na shohin shqiptarët. Nga ana teknike puna është e bërë. Këtu bëhet fjalë për vetëm 2-3 fomulime të partive politike. Nëse partitë vijnë me këmbë në tokë dhe kërkojnë atë që mund të bëhet, legjislacioni është gati.

Sondazh

Article Logic
Execution time: 0.011338949203491
array(1) { ["section"]=> string(147) "gjiknuri-teknologjia-100-dhe-reformimi-i-administrates-pika-ku-ndahemi-sistemi-danez-dhe-ligji-i-referendumeve-do-diskutohet-ne-fazen-e-dyte-208454" }