Gjyqtarja e Sarandës jep dorëheqjen kur njoftohet për problemet me pasurinë, VETTINGU e nxjerr nga sistemi dhe i heq të drejtën e kandidimit për 15 vite

Publikuar tek: aktualitet, më 08:11 29-10-2020 Gjyqtarja e Sarandës jep dorëheqjen kur njoftohet për problemet me pasurinë, VETTINGU e nxjerr nga sistemi dhe i heq të drejtën e kandidimit për 15 vite FotoArkive: KPK

Komisioni i Pavarur i Kualifikimit, KPK ka vendosur ndëprerjen e procesit të rivlerësimit për gjyqtaren e Sarandës, Enkeleda Doda, si dhe ndalimin e riemërimit të saj në sistemin e drejtësisë për 15 vitet e ardhshme, pasi u dorëhoq kur u përballë me barrën e provës për pasurinë.

Në vendimin e zbardhur të KPK shpjegohet se hetimi administrativ për gjyqtaren Doda kishte nisur në dhjetor të vitit 2019. Në shtator 2020, trupi gjykues i përbërë nga Pamela Qirko kryesuese, Brunilda Bekteshi relatore dhe Lulzim Hamitaj anëtar, ka vendosur mbylljen e hetimit kryesisht gjyqtaren Enkeleda Doda dhe kalimin e barrës së provës vetëm për kriterin e pasurisë.

KPK e ka njoftuar Dodën për këtë vendim dhe i ka kërkuar që të paraqesë shpjegime dhe prova lidhur me gjetjet e hetimit administrativ. Në vendim thuhet se Doda nuk është paraqitur për të ushtruar të drejtën e saj për t’u njohur me dokumentet, por ka kërkuar shtyrjen e afatit, kërkesë që është pranuar nga Komisioni.

Më datë 1 tetor, Doda ka njoftuar Komisionin se më datë 14 shtator i kishte paraqitur Këshillit të Lartë Gjyqësor, KLGJ kërkesë për heqje dorë nga statusi i magjistratit.

Komisioni është njohur me vendimin e KLGJ-së të datës datë 24 shtator, lidhur me deklarimin e mbarimit të statusit të magjistratit për gjyqtaren Enkeleda Doda dhe prej verifikimeve të kryera ka rezultuar se subjekti nuk kishte kryer ankim në Gjykatën Administrative të Apelit.

Komisioni i ka dërguar njoftim gjyqtares Doda se kishte të drejtën për t’u dëgjuar në seancë dëgjimore, por që është refuzuar prej subjektit të rivlerësimit, e cila ka shprehur qëndrimin se nuk dëshironte të dëgjohej.

Bazuar në këto rrethana, KPK ka vendosur ndërprerjen e procesit të rivlerësimit për gjyqtaren e Sarandës Enkeleda Doda dhe ndalimin e riemërimit të saj si gjyqtar ose prokuror i çdo niveli; anëtar i Këshillit të Lartë Gjyqësor ose Këshillit të Lartë të Prokurorisë; Inspektor i Lartë i Drejtësisë ose Prokuror i Përgjithshëm, për një periudhë 15-vjeçare. /BIRN

Sondazh

Më shumë në këtë kategori: « Dita nis me kthjellime dhe vranësira të lehta, priten reshje lokale shiu në veriperëndim të vendit
Komisioni i BE: Krishtlindjet këtë vit do të jenë ndryshe, vaksina mund të dalë… »
Article Logic
Execution time: 0.011921882629395
array(1) { ["section"]=> string(158) "gjyqtarja-e-sarandes-jep-doreheqjen-kur-njoftohet-per-problemet-me-pasurine-vettingu-e-nxjerr-nga-sistemi-dhe-i-heq-te-drejten-e-kandidimit-per-15-vite-225585" }