Zbardhen detaje nga dosja e prokurorisë për grabitjen e bujshme në Qafë-Kashar.
Informatori i grupit, Neim Avdulaj ka shkelur premtimin që i kishte bërë “kokës” së grupit, Admir Murataj. Ky i fundit kishte marrë garancinë se emrat e tyre nuk do të bëheshin publik, edhe nëse kapeshin, por kjo gjë nuk ka ndodhur nga ish-komando Avdulaj.
Mësohet se Avdulaj i kishte premtuar Muratajt: “Nëse kapem, emrin tëndë nuk e nxjerr. Nëse del emri yt, ke punë me mua”. Por, kjo gjë nuk ka ndodhur me Avdulaj, pasi i rrëfeu policisë emrin e Muratajt në momentin që u arrestua.
Avdulaj tregoi si i godisnin blindat me parët e bankës, si dhe rolin e tij si informator në grupin që vodhi bindat me para.
Avdulaj u kap në një kazino të Vlorës, pak ditë pas grabitjes së 3.2 milion dollarëve, që po transportoheshin me furgon nga një bankë e nivelit të dytë drejt aeroportit të Rinasit.
