Dy persona të maskuar dhe të armatosur kanë grabitur një person në Unazë të Re.
Ngjarja ka ndodhur mbrëmë vonë, rreth orës 23:30, në rrugën “Loni Ligori”.
Sipas policisë, dy persona të maskuar, të cilët dyshohet të kenë patur me vete një armë zjarri, i kanë vjedhur me dhunë, 7.000 lekë dhe një orë dore të markës “Omega”, shtetasit I. H., 56 vjeç.
Në momentin e grabitjes, 56-vjeçari po qëndronte jashtë automjetit të tij tip “Skoda”.
Policia ka nisur hetimet për identifikimin dhe kapjen e autorëve.
