Hapen biznese të reja? Jorida Tabaku i përgjigjet ministrit Ahmetaj: Po fsheh të vërtetën, bizneset po mbyllen nga…

Publikuar tek: politike, më 20:31 10-02-2018 Hapen biznese të reja? Jorida Tabaku i përgjigjet ministrit Ahmetaj: Po fsheh të vërtetën, bizneset po mbyllen nga…

Deputetja Jorida Tabaku ka reaguar pas deklaratës së ministrit të Financave, Arben Ahmetaj, për regjistrimin e 2394 bizneseve të reja. 

Tabaku shprehet se shifra e paraqitur në QKR nuk është e saktë, dhe ministri i përdor për të fshehur të vërtetën.

Sipas deputetes, bizneset janë duke u mbyllur për shkak të taksave të klarta.

Reagimi i plotë:

A po mbyllen bizneset në Shqipëri?

Ministri Ahmetaj sot iu përgjigj kryetarit të opozitës për shifrën e bizneseve që nuk paguajnë më taksa, pra janë të mbyllura, duke këmbëngulur që sot ka më shumë biznese të hapura se një vit më parë. Ironikisht, ministri mbështetej jo tek Drejtoria e Tatimeve prej nga ku buron shifra e 1747 bizneseve të mbyllura por nxjerr një shifër nga Qendra Kombëtare e Regjistrimit. Arsyeja e shmangies është e thjeshtë; sipas ligjeve dhe rregullave në fuqi një biznesi për t’u çregjistruar përfundimisht i duhet më shumë se një vit punë intensive. Për rrjedhojë shifra e paraqitur në QKR ka disa “mangësi” të karakterit procedural, të cilat ministri i përdor për të fshehur të vërtetën.

Nuk është e re që bizneset sot paguajnë më shumë taksa pothuajse sa 60% e xhiros, që sot paguajnë fatura më të larta energjie elektrike e që nga Prilli bizneset e vogla do të kenë dhe TVSH prej 20% që do të vendosë në kushte mbijetese pjesën më vitale të ekonomisë shqiptare.

Nuk është habi që ministri Ahmetaj të gënjejë si në media ashtu edhe në komisione. U bënë mbi katër vite që shqiptarëve u ofrohen shifra të rreme mbi rritjen ekonomike, borxhin publik apo vlerën e PPP-ve. Fatkeqësisht disa njerëz as nuk skuqen dhe as turpërohen kur manipulojnë të vërtetën, por realiteti është ndryshe. Atë e tregojnë bizneset që cdo ditë mbyllen.



Sondazh

Article Logic
Execution time: 0.011590957641602
array(1) { ["section"]=> string(118) "hapen-biznese-te-reja-jorida-tabaku-i-pergjigjet-ministrit-ahmetaj-po-fsheh-te-verteten-bizneset-po-mbyllen-nga-109846" }