Harruan COVIDIN dhe organizuan festën e Halloween-it, gjobiten me 1 milionë lekë 3 lokale në Tiranë, Ardi Veliu zbret në terren për t'i verifikuar (VIDEO)

Publikuar tek: aktualitet, më 10:08 31-10-2020 Harruan COVIDIN dhe organizuan festën e Halloween-it, gjobiten me 1 milionë lekë 3 lokale në Tiranë, Ardi Veliu zbret në terren për t'i verifikuar (VIDEO)

Drejtori i Përgjithshëm i Policisë së Shtetit Ardi Veliu, i shoqëruar nga drejtuesit e Drejtorisë Vendore të Policisë Tiranë, mbrëmjen e djeshme ka kryer inspektime për të parë nga afër zbatimin e masave anti-Covid.

Veliu ka inspektuar në zonën e "Ish-Bllok" dhe zona të tjera të Tiranës me qëllim parandalimin e përhapjes së COVID-19.

Bëhet me dije se gjatë mbrëmjes së djeshme janë vendosur 85 masa me vlerën 3.000 lekë secila për të rinjtë që qarkullonin pa respektuar distancimin social dhe pa vendosur maskë.

Si dhe janë vendosur 3 gjoba me vlerë 1.000.000 lekë secila, për tre administratorë të lokaleve që gjatë kontrolleve pas orës 20:00, shërbimet e Policisë i kanë konstatuar me muzikë dhe pa respektuar protokollet e sigurisë.

Njoftimi i policisë:

Drejtori i Përgjithshëm i Policisë së Shtetit Ardi Veliu, i shoqëruar nga drejtuesit e Drejtorisë Vendore të Policisë Tiranë, mbrëmjen e djeshme inspektoi shërbimet e Policisë së kryeqytetit, për të parë nga afër zbatimin e masave dhe punën që po bën Policia në këtë drejtim.

Drejtor Veliu gjatë inspektimit në "Ish-Bllok" dhe zona të tjera të Tiranës, u ka kërkuar drejtuesve të DVP Tiranë, masa më të shtuara në fundjavë, me qëllim parandalimin e përhapjes së COVID-19.

Nisur nga shtimi i rasteve, Drejtor Veliu ka theksuar gjatë komunikimeve me punonjësit e Policisë në terren se duhet një impenjim më i madh i Policisë në fundjavë, duhet të ushtrohen kontrolle të herëpashershme në lokale dhe kontrolle të pandërprera në sheshe, bulevarde, parqe e në çdo ambient publik dhe duhet ndëshkuar me gjobë cilindo që nuk respekton masat dhe protokollet e sigurisë.

Duke marrë parasysh festën e Halloëeen-it, Drejtori i Përgjithshëm ka urdhëruar të gjitha strukturat në të gjitha qarqet që të marrin masa për të mos lejuar organizime e festime, pasi janë burim potencial për të përhapur virusin COVID-19.

Shërbimet e Komisariatit të Policisë Nr. 1 dhe 2, si dhe forca e posaçme "Shqiponjat", gjatë mbrëmjes së djeshme, kanë vendosur 85 masa me vlerën 3.000 lekë secila për të rinjtë që qarkullonin pa respektuar distancimin social dhe pa vendosur maskë.

Nga shërbimet e Komisariatit të Policisë Nr. 1 u vendosën 3 gjoba me vlerë 1.000.000 lekë secila, për tre administratorë të lokaleve që gjatë kontrolleve pas orës 20:00, shërbimet e Policisë i kanë konstatuar me muzikë dhe pa respektuar protokollet e sigurisë.

Policia e Shtetit apelon për respektim të masave anticovid dhe u bën thirrje prindërve që të mos lejojnë fëmijët e tyre të grumbullohen në festime në lokale, në kundërshtim me këto masa.

Njëkohësisht, pronarët e lokaleve të respektojnë protokollet e sigurisë dhe të mos kundërshtojnë urdhrin e punonjësve të Policisë, pasi Policia e Shtetit është në shërbim të qytetarëve, për të mbrojtur jetën dhe shëndetin e tyre, ndaj dhe është i rëndësishëm zbatimi i kësaj mase mbrojtëse sepse parandalon infektimin me COVID-19

 

Sondazh

Më shumë në këtë kategori: « Mbushen kapacitetet në dy spitalet, shtrohen pacientët e parë tek COVID3
Dita e 17-të e grevës së grave naftëtare: Nëse Rama vjen para uzinës, dalim dhe negociojmë »
Article Logic
Execution time: 0.011652946472168
array(1) { ["section"]=> string(157) "harruan-covidin-dhe-organizuan-festen-e-halloween-it-gjobiten-me-1-milione-leke-3-lokale-ne-tirane-ardi-veliu-zbret-ne-terren-per-t-i-verifikuar-video-225892" }