Holanda e PAVENDOSUR / ZBARDHET qëndrimi i qeverisë për negociatat e Shqipërisë me BE: DUAM progres të PREKSHËM kundër krimit dhe korrupsionit (E PLOTË)

Publikuar tek: politike, më 22:17 16-02-2020 Holanda e PAVENDOSUR / ZBARDHET qëndrimi i qeverisë për negociatat e Shqipërisë me BE: DUAM progres të PREKSHËM kundër krimit dhe korrupsionit (E PLOTË)

Vetëm pak orë pas lajmit pozitiv se presidenti francez Emmanuel Macron ka dhënë dritën jeshile për çeljen e negociatave për Shqipërinë dhe Maqedoninë e Veriut me BE-më, skepticizmi i Holandës nuk ka ndryshuar.

Newsbomb.al siguron nga burime diplomatike në Holandë qëndrimin e qeverisë holandeze drejtuar parlamentit ku shfaqet qëndrimi kritik ndaj çeljes së negociatave, veprim që konsiderohet si i parakohshëm pa patur rezultate të prekshme në terren veçanërisht kundër krimit dhe korrupsionit.

Por ndyshe nga hera e fundit, kur qeveria holandeze ishte e prerë kundër hapjes së negociatave, ajo që vlen të theksohet nga qëndrimi i siguruar nga newsbomb.al, është vlerësimi i mundësisë së hapjes së negociatave me kusht, duke iu referuar këtu mekanizmit të ri të anëtarësimit në BE që parashikon pezullimin madje deri në pushimin e negociatave nëse vendi kandidat nuk bën progres.

“Komunikata e Komisionit përmban një sërë përmiresimesh të rëndësishme. Ku mund të cilesohet si një hap në drejtimin e duhur.

Hollanda e mirëpret vënien më shumë të theksit tek shteti i së drejtës/sundimi i ligjit (rule of laë), administrata publike dhe Ekonomia. Progresi në fushën e shtetit të së drejtës/sundimit të ligjit do të përcaktojë shpejtësinë e procesit. Është e rëndesishme që themelet demokratike në vendet kandidate të jenë solide para anëtarësimit.

Hollanda gjithashtu mirëpret gjuhën e qartë për sa i përket kushteve: negociatat mund të pezullohen madje edhe të pushohen më kollaj nëse vendi kandidat nuk performon. Kjo lidhet mjaft mirë me qasjen strikte dhe të drejtë që ka Hollanda për zgjerimin.

Hollanda nuk mund t’i paraprijë vendimit mbi hapjen e negociatave me Maqedonine e Veriut dhe Shqipërinë. Kjo gjë kërkon progres të prekshëm në terren, veçanërisht me luftën kundër krimit të organizuar dhe korrupsionit. Komisioni do të raportojë së shpejti për këto. Hollanda është në pritje të ketij raporti”, thuhet në qëndrimin e qeverisë holandeze të siguruar nga Newsbomb.al.

Sondazh

Article Logic
Execution time: 0.019428014755249
array(1) { ["section"]=> string(154) "holanda-e-pavendosur-zbardhet-qendrimi-i-qeverise-per-negociatat-e-shqiperise-me-be-duam-progres-te-prekshem-kunder-krimit-dhe-korrupsionit-e-plote-195426" }