I doli në mbrojtje Bashës, socialistët 'HAKMERREN' ndaj Veton Surroit, i heqin TITULLIN 'Nderi i Kukësit'

Publikuar tek: politike, më 14:59 27-11-2020 I doli në mbrojtje Bashës, socialistët 'HAKMERREN' ndaj Veton Surroit, i heqin TITULLIN 'Nderi i Kukësit' Politikani kosovar Veton Surroi

Këshilli i Qarkut të Kukësit i ka hequr titullin "Nderi i Qarkut Kukës" publicistit dhe politikanit kosovar Veton Surroi.

Në mbledhjen e mbajtur këtë të premte, këshilli hoqi titullin që është dhënë në 2015.

Sipas kryetarit të Këshillit, Abdulla Domi, vendimi është marrë pas kërkesës që iu drejtua Këshillit të Qarkut nga dy intelektualë të Kukësit.

Sipas tij, këta dy intelektualë, emrat e të cilëve nuk bëhen të ditur, kanë paraqitur edhe argumentet.

Ndërkohë që kryebashkiaku i Kukësit, Safet Gjici, i cili është edhe anëtar i Këshillit ka thënë se heqja e titullit është bërë për shkak të fushatës mediatike dhe politike që Veton Surroi ka bërë kundër UÇK-së.

Kujtojmë se politikani kosovar, Veton Surroi ka marrë titullin “Nderi i Qarkut Kukës” me motivin “Për kontribut të veçantë në fushën mediale dhe politike gjatë krizës së vitit 1999 dhe shpalljes së Pavarësisë së Kosovës”.

Surroi i ka dalë në mbrojtje kreut të PD-së, Lulzim Basha për akuzat që i janë bërë në lidhje me hetimin e tij ndaj ushtarëve të UÇK-së, ndërsa ka kritikuar Ramën në lidhje me debatin.

Po ashtu një ditë më parë, Basha bëri një deklaratë ku tha se qeveria shqiptare ka tentuar të joshë me tendera një ish-zyrtar të UÇK-së, emri i të cilit nuk është bërë i ditur.

Sondazh

Më shumë në këtë kategori: « Plotësimi i vakancave në Gjykatën Kushtetuese, Yuri Kim bën thirrje: Palët të lëvizin me urgjencë
Mediu: Rama do të minojë 25 prillin, vendi është kthyer në regjim korruptiv »
Article Logic
Execution time: 0.010191917419434
array(1) { ["section"]=> string(106) "i-doli-ne-mbrojtje-bashes-socialistet-hakmerren-ndaj-veton-surroit-i-heqin-titullin-nderi-i-kukesit-229329" }