I shpallur në kërkim ndërkombëtar nga Interpol Roma, arrestohet 49 vjeçari në Durrës (EMRI)

Publikuar tek: aktualitet, më 08:50 31-05-2020 I shpallur në kërkim ndërkombëtar nga Interpol Roma, arrestohet 49 vjeçari në Durrës (EMRI) Foto ilustruese

Një 49 vjeçar i kërkuar nga autoritetet italiane të drejtësisë është arrestuar në Durrës.

Bëhet me dije se në pranga ka rënë Flamur Tuda, 49 vjeç, banues në Gjepalaj, Shijak, Durrës.

Ky shtetas ishte shpallur në kërkim ndërkombëtar nga Interpol Roma, Itali, në bazë të urdhër-arrestit ndërkombëtar të lëshuar nga Gjykata e Pavias, Itali, për veprën penale “Trafikimi i narkotikëve”.

Pas arrestimit ai do të ekstradohet në Itali, ku do të përballet me drejtësinë italiane.

Njoftimi i Policisë:

Vijojnë operacionet për kapjen e personave të shpallur në kërkim ndërkombëtar.

Një tjetër i kërkuar nga drejtësia italiane, për trafikim të narkotikëve, bie në prangat e Policisë.

Operacioni nga DVP Durrës, në bashkëpunim me Zyrën Qendrore Kombëtare Interpol Tirana.

Në vijim të punës për kapjen e personave të shpallur në kërkim ndërkombëtar, specialistët e Seksionit për Hetimin e Narkotikëve, në bashkëpunim me Komisariatin e Policisë Durrës, si rezultat i shkëmbimit të informacionit me Departamentin e Policisë Kriminale dhe Interpol Tiranën, bënë të mundur lokalizimin, kapjen dhe arrestimin provizor, me qëllim esktradimin drejt Italisë, të shtetasit F. T., 49 vjeç, banues në Gjepalaj, Shijak, Durrës.

Ky shtetas ishte shpallur në kërkim ndërkombëtar nga Interpol Roma, Itali, në bazë të urdhër-arrestit ndërkombëtar të lëshuar nga Gjykata e Pavias, Itali, për veprën penale “Trafikimi i narkotikëve”.

Arrestimi provizor u krye me qëllim ekstradimin e tij drejt Italisë, mbështetur në “Konventën Evropiane të Ekstradimit” dhe marrëveshjen dypaleshe mbi ekstradimet, nënshkruar mes Republikes së Shqipërisë dhe Italisë.

Sondazh

Article Logic
Execution time: 0.0096437931060791
array(1) { ["section"]=> string(95) "i-shpallur-ne-kerkim-nderkombetar-nga-interpol-roma-arrestohet-49-vjecari-ne-durres-emri-208473" }