Ibsen Elezi: Kuksianët nuk ia falin Bashës! Ai është pa plan e strategji

Publikuar tek: politike, më 19:01 30-07-2019 Ibsen Elezi: Kuksianët nuk ia falin Bashës! Ai është pa plan e strategji

Ish-kryetari i Partisë Demokratike në Kukës, Ibsen Elezi lëshon kritika të ashpra në drejtim të kryedemokratit Lulzim Basha.

Elezi e akuzon Bashën se qëllimisht po çon Partinë Demokratike drejt shpërbërjes, duke nisur që nga reforma territoriale, marrëveshja e 17 majit me Ramën dhe djegia e mandateve para zgjedhjeve të 30 qershorit. I ftuar në studion e “Report Tv”, Elezi tha se Basha dështoi në të gjitha këto momente të rëndësishme.

I pyetur nëse demokratët e Kukësit do ta “lëshojnë” Bashkinë, Elezi tha pavarësisht incidenteve të vogla që mund të ketë, ky proces do të ndodhë.

“Ushtarët s’munden të luftojnë po nuk iu tha gjenerali”, u shpreh Elezi.

Pjesë nga deklarata:

Është çështje e një grafiku procesi që ndodhi, nuk është se ndodhi rastësisht. Unë nuk e kam ditur diçka të tillë, po shoh grafikun se ku po shkon PD-ja. Ne legalizojmë Lulzim Bashën, një parti pa struktura, pa ide që do lëvizë në mënyrë kaotike. Ajo që u ndërthurr në kuvendin e fundit ishte një parti pa rregulla e pa norma. Procesi i 30 qershorit lidhet shumë me procesin e para katër viteve, ka qenë reforma territoriale. Atëherë më kanë thënë që ne kemi kapacitetin për të kufizuar të gjithë dëshirën e Edi Ramës për një reformë territoriale të njëanshme. Pastaj bënë një fasadë dhe pa bosht. Bënë kufizimin e bashkive, ndarjen pa kritere. Kjo solli që ne të humbasim shumë terren.

Pastaj erdhi 17 maji, Basha i tha partisë futemi në zgjedhje për tre javë. Unë me gjykimin dashamirës kam thënë që ky njeri nuk i di këto punë, por tani mendoj se ky njeri i bën me qëllim. Kthehemi te 30 qershori, kur ti djeg mandatin, 2 javë kohë ke për të bllokuar gjithë veprimtarinë institucionale, ose ik në shtëpi.

Kuksianët nuk ia falin jo vetëm zotit Basha, por shkalla e përgjegjësisë do të shkojë drejt rritjes. Do të ketë më shumë zëra kundër, është një proces që ndodh natyralisht. Kjo që ka ndodhur në PD, patjetër që do të ketë analizë. Këto janë si kriminelët ordinerë, që dalin e bëjnë krimin por vetëm fundin nuk e llogarisin.

Një demokrat aty e ka pyet dhe i ka thënë çfarë do bësh. Basha nuk ka një strategji që t’u japë përkrahje këtyre. Nëse merr një qëndrim dhe thotë “ne nuk do t’i dorëzojmë”, por ai s’ka qëndrim e as plan.

Mund të ketë përplasje të vogla, por është një proces që do të ndodhë, se nuk munden ushtarët të luftojnë, nëse gjenerali nuk u thotë.

Sondazh

Article Logic
Execution time: 0.037438869476318
array(1) { ["section"]=> string(77) "ibsen-elezi-kuksianet-nuk-ia-falin-bashes-ai-eshte-pa-plan-e-strategji-173862" }