Edhe pse reshjet e shiut nuk do të jenë prezente në ditët në vazhdim, Shërbimi Meterologjik Ushtarak njofton se temperaturat do të ulen ndjeshëm.
Nesër, pritet mot i kthjellët e me vranësira të përqendruara kryesisht përgjatë maleve. Në zonat e thella malore do të nisin reshjet e dëborës, por që do të jenë të izoluara. Përsa i përket erës, ajo do të fryjë nga kuadrati i veriut e në orët e pasdites do të jetë e vrullshme, kryesisht në brigjet detare aty ku valëzimi në det do të jetë i forcës 3 deri 4.
Temperaturat parashikohen në:
-zonat malore -1ºC deri në 7ºC
-zonat e ulëta 2ºC deri në 15ºC
-zonat bregdetare 4ºC deri në 16ºC
