Infektohet me Covid deputeti Ralf Gjoni: Dje rezultova pozitiv, isha 3 ditë me temperaturë (MESAZHI)

Publikuar tek: politike, më 09:43 28-07-2020 Infektohet me Covid deputeti Ralf Gjoni: Dje rezultova pozitiv, isha 3 ditë me temperaturë (MESAZHI) Ralf Gjoni

Deputeti i opozitës parlamentare Ralf Gjoni është konfirmuar pozitiv me Covid 19.

 Lajmin e ka bërë më dije vetë deputeti përmes një mesazhi në rrjete sociale, ku shkruan se dje kam rezultuar pozitiv me Covid 19 pas tre ditësh temperature të lehtë e gjendjeje gripale.

Gjoni shkruan se gjatë dy javëve të ardhshme do qëndrojë në izolim në shtëpi.

"Mirëmëngjes miq! Dje kam rezultuar pozitiv me Covid 19 pas tre ditësh temperature të lehtë e gjendjeje gripale.

Sot jam më mirë dhe me sa kuptoj, drejt rikuperimit.

Mirënjohje të thellë për gjithë mjekët e komunitetin mjekësor që po përballet çdo ditë me këtë ‘armik’ të panjohur më parë.

Gjatë dy javëve të ardhshme do qëndroj në izolim total në shtëpi për të mbrojtur të tjerët.

Me sa duket praninë fizike në javën më kyçe të angazhimit tim parlamentar, atë të hapjes së listave, do ma mohojë një virus i padukshëm.

Sidoqoftë, mbetem më i pērkushtuar se kurrë në distancë dhe ne kontakt të vazhdueshëm.

Kam kuptuar nga bisedat me mjekë e kolegë që gjatë dy javëve të shkuara, virusi është përhapur me shpejtësi të frikshme pa u ndjerë fare.

Kjo përhapje ka ndodhur në ambjente publike, dhe patjetër edhe në institucione shtetërore, përfshirë parlamentin.

Njerëzit po tregohen të pakujdesshëm dhe po refuzojnë të kuptojnë se Covid19 do disa ditë që të inkubohet në trup.

Në momentin që jep shenjat e para, ju mund të keni qenë i infektuar prej ditësh dhe ndërkohë mund t’ia keni kaluar virusin familjarëve e miqve të afërt.

NDAJ KUJDES MAKSIMAL! Mos dilni në ambjente publike pa maskë. Lani duart pa pushim.

Nëse keni shenjën më të vogël si temperaturë e lehtë, dhimbje koke, gricje fyti, ethe, djersitje natën, dhimbje trupi, kollë, bllokim hundësh, humbje e nuhatjes/shijes apo çdo shenjë tjetër gripale, duhet të karantinoheni e të kërkoni kryerjen e tamponit.

Mos e neglizhoni miq. Disa do e kalojnë lehtë, e disa të tjerë do rrezikojnë jetën.

Përgjegjshmëria e secilit prej nesh gjatë 2-3 javëve të ardhshme duhet të jetë në nivelet maksimale", shkruan Gjoni.

Sondazh

Më shumë në këtë kategori: « Meta i uron shërim sa më të shpejtë Veliajt dhe ka një thirrje për qytetarët
Presion i madh dhe vetëm 2 ditë kohë, Basha ‘kyçur’ prej më shumë se një ore në zyrë me ambasadorët Kim dhe Soreca »
Article Logic
Execution time: 0.009429931640625
array(1) { ["section"]=> string(103) "infektohet-me-covid-deputeti-ralf-gjoni-dje-rezultova-pozitiv-isha-3-dite-me-temperature-mesazhi-215227" }