Institucionet në Shqipëri harrojnë vdekjen e Skënderbeut por e kujton Albin Kurti nga Kosova: Trimëria e tij ishte e pashoq

Publikuar tek: rajon, më 15:13 17-01-2020 Institucionet në Shqipëri harrojnë vdekjen e Skënderbeut por e kujton Albin Kurti nga Kosova: Trimëria e tij ishte e pashoq Albin Kurti, kreu i VV

Institucionet në Shqipëri e harruan 552 vjetorin e vdekjes së heroit tonë kombëtar, Gjergj Kastriot Skënderbeu.

Edhe personazhet e politikës shqiptare përfshirë kryeministrin Edi Rama dhe ministren e Kulturës Elva Margariti, mesa duket kanë qenë shumë të zënë duke u marrë me punë të tjera, por këtë datë të rëndësishme e risjell në vëmendje nga Kosova Albin Kurti, kreu i Lëvizjes Vetëvendosje.

Në një postim në rrjetin social facebook, ai ndër të tjera bën një thirrje frymëzuese për shqiptarët për të pasur vlera si trimëria, gatishmëria, aftësia ushtarake edhe në ditët e sotme.

POSTIMI I PLOTË I ALBIN KURTIT:

Para 552 vitesh, sipas konsensusit të gjerë të historianëve, vdiq në moshën 62-vjeçare heroi ynë kombëtar, Gjergj Kastrioti Skënderbeu. Ai jetoi e luftoi në kohë të tjera, në mesjetën e principatave të vogla e perandorive të mëdha feudale. Dallimi i mesjetës me kohën tonë është aq i madh, sa që çdo krahasim politik do të ishte një përkthim i paqëndrueshëm. Por, megjithatë disa nga vlerat njerëzore e politike mund të përdoren për frymëzim edhe sot. Trimëria e tij e pashoq, aftësia e lartë ushtarake e pranuar edhe nga armiqtë, gatishmëria për t’u përballur me ushtri shumë më të forta, për të mbrojtur pavarësinë e tokës së tij, duke krijuar de-facto një shtet të pavarur arbëror.

Por unë sot dua të marr një tjetër prej tipareve të vyeshme të Skënderbeut tonë: bashkimin për liri. Historianët na tregojnë për fjalinë e famshme me të cilin ai përshëndeti popullin pas rikthimit si fitimtar në Krujë: Lirinë nuk ua solla unë, por atë e gjeta këtu midis jush. Kjo fjali edhe sot tingëllon progresiste. Individualizmi bazohet te liria, por liria mbërrihet vetëm prej angazhimit kolektiv, ajo banon te bashkësia. Individi duhet të bashkëpunojë, që të ecë përpara si individ. Fjalia e Skënderbeut duhet të jetë thënë vërtet, po të shohësh se ai e ndoqi parimin e bashkimit edhe me Besëlidhjen e Lezhës, ku u përpoq të mblidhte sa më shumë prijës arbër, minoritarë e disa aleatë fqinj, për ta bërë rezistencën. Po t’i kishte mbledhur të gjithë, po të kishin bashkëpunuar me disiplinë, mbase do të ishte themeluar një shtet edhe më jetëgjatë. Por, historia nuk bëhet me nëse, e koha nuk kthehet kurrë pas...

Sondazh

Article Logic
Execution time: 0.021487951278687
array(1) { ["section"]=> string(129) "institucionet-ne-shqiperi-harrojne-vdekjen-e-skenderbeut-por-e-kujton-albin-kurti-nga-kosova-trimeria-e-tij-ishte-e-pashoq-192370" }