Integrimi i Shqipërisë dhe MV, ministri holandez flet pas takimit të ministrave të jashtëm të BE: Drita jeshile vjen kur të përmbushen kriteret

Publikuar tek: aktualitet, më 14:45 25-02-2020 Integrimi i Shqipërisë dhe MV, ministri holandez flet pas takimit të ministrave të jashtëm të BE: Drita jeshile vjen kur të përmbushen kriteret Blok

Ministri i Jashtëm Holandez Stef Blok pas takimit të ministrave të Jashtëm të BE në Bruksel ka folur në lidhje me hapjen e negociatave për Maqedoninë e Veriut dhe Shqipërinë.

Në reagimin e tij Blok shprehet se për Holandën, Maqedonia e Veriut i ka përmbushur kriteret për integrimin në BE ndërsa nga Shqipëria deklaron se presin më shumë rezultate.

“Për Holandën MV i ka përmbushur kushtet por për Shqipërinë presim më shumë rezultate”, ka thënë ndër të tjera Blok.

Kujtojmë se në takimin e 28 ambasadorëve të përhershëm të BE-së mbajtur në Bruksel më herët, lidhur me hapjen e negociatave të anëtarësimit me Maqedoninë e Veriut dhe Shqipërinë, për vendin tonë Holanda është mjaftuar duke thënë se qëndrimi i saj për Shqipërinë nuk ka ndryshuar.

"Të dy vendet kanë bërë përpjekje të mëdha. Sa i përket Maqedonisë së Veriut, ne mendojmë se duhet të ndërmerret një hap tjetër i rëndësishëm, gjegjësisht ligji për ndjekjen publike. Nëse plotësohet kjo gjendje, ne mendojmë se negociatat e pranimit duhet të fillojnë. Për sa i përket Shqipërisë, megjithatë, ne mendojmë se duhet bërë shumë punë dhe nuk është ende gati për fillimin e negociatave", ka thënë më herët Blok duke përsëritur qëndrimin e vendit të tij.

Për qeverinë holandeze, si duket mbetet ende në fuqi mocioni i parlamentit holandez të aprovuar në qershor të këtij viti, kundër hapjes së negociatave me Shqipërinë.

 

Sondazh

Më shumë në këtë kategori: « Çmimet abuzive të dezinfektuesve/ Braçe: Turp, nuk jemi në Milano, organet fiskale të bëjnë detyrën
Kejsi Tola i bashkohet nismës së Erion Veliajt për të mbjellë pemë në Parkun e Liqenit »
Article Logic
Execution time: 0.011355876922607
array(1) { ["section"]=> string(148) "integrimi-i-shqiperise-dhe-mv-ministri-holandez-flet-pas-takimit-te-ministrave-te-jashtem-te-be-drita-jeshile-vjen-kur-te-permbushen-kriteret-196412" }